SUNGHNO KA NU

Leitlun hring mi, ka can hlan in

Ti le zu bang, pumrua nei lo’n

Thla tam ni rei, caan saupi tiang

Zonzai harnak, phun zakip thawn

Thi tha cem in, in rak pai maw

Caan rel kim cun, sahrum ai bang

Harsa mangbang, vansang a lam

Thlahri ti bang, luang zuar mar in

Hrin suah ka si, hi lei ciin ah

Ka lei taksa, khaweng sungah

In can tirtu, sunghno ka nu

Kutke  nei lo, ka si lai caan

Hnawiti thlum ten, merem thiam lo’n

Sunzan rel lo, kei ka hrangah

Zan khawdei tiang, ka nunnak hrang

Ei ding rawl tha, a hrang siang lo’n

Nau hniang hrang tin, a ka sung rawl

Riam ten in pe, thin hnangam in

Dawtnak anka, thlum ten in ko

Ka hrang a nun, sup mi nei lo’n

Hlan thluh siangtu, zodang um lo

Ka hrang a sung, sunghno ka nu

Harnak phunkip, tong theu hmanseh

Phunzai lo ten, in pawm in cawi

Nun mawi in zirh, ka fehnak ding

A mak tuk e, ka nui’ dawtnak

Hmaipan siamsin, in kilkhawi theu

Hruh ding hnipuan, ka hrang a zal

Hi tluk duhnung, an um lo ding

Sim thiam si lo, lei anka in

Ka nui’ dawtnak, a sung tuk e

Thlawsuah van lut, co seh ka duh

Sam thei lo ding, sunghno ka nu.

By: Congthu Fa