Thansonak thawn pehpar aw mi thu ka ngan tikah pursum thiam le thansonak lam thu zirmi ka si lo nain, mi thangsopawl ih an hmuh dan le an tuah dan cabu ih an ngan mi pawl le simmipawl hi kan hrangah thathnemnak a nei ve ko ding ti ruahsan in ka ngannak a si.
Thansonak tahfung le tuah dan tampi a um. Kan tul theh mi an si ko. Cumi tampi lak sung in a thupi zetih ka ruah mi sumpai hawl dan, hman dan le khawl dan hi a tawizawng tein kan zir ve dingah langter ka duh.
Sumpai Hawldan
Sumpai cu hnatuannak ihsin ngah thei mi asiruangah hnatuannak ihsin kan hawl a tul. Hna kan tuan tikah a thupi mi:-
- Thencatnak felfai nei ding.
- Kan duh mi hnatuan kha hril ding
- Kan hril mi hnatuan kha zuam zet in tuan ding.
- Tumtahmi nei tengteng ding (tumtahnak in hmai in nor ter)
- Tumtahmi thin/thawn hnuaihni lo ding.
- Tumtah mi kan thlen hlanih harsatnak ruangah bansan mai lo ding ( harsatnak um lo cun hlawhtlinnak ngah a theih lo)
- Tumtahmi parah diriam zetin tuan ding.
- Thazang lawngih tuan loin kan sumpai thawn hnatuan thiam zuam ding
- Lamzin parih a vak/leng mi paisapawl tla lak thiam zuam ding
- Ramleng paisa lawng lak tum lo ding (ramleng ihsin in kuatmi ring men lo ding)
- Kan ngah caan hi a tlaitluan lo, amah le caante a um.
- Sumpai kan hawl tikah Pathian tihzah ding. Ziangahtile sumpai sungah sualnak tinkim a um.
Thufim 10:22
Hmansuahdan le khawldan
- Sumpai kan laklut mi a zate in hman theh tum lo ding. Ziangmawte tal khawl thei tum tengteng ding. Tangka khawlnak bank account neih tengteng a tha.
- Kan duhmi hmuahhmuah hrangah hman lo ding. Kan tul mi hrang lawngah hman ding.
- Sum hram tampi kan lakluh hnu lawngah kan thok ding ti hnakin kan neihsun te thawn tuansuah ngam a tha.
- Midang thawn hnatuan tlang thiam ding.
- Sumhram kan ngah theinak ah kan ngah sunmi malte te ihsin khawl thiam a thupi ( sumhram tampi kan ngahnakah ngah nawn loin tuansuak thei nawn lo ih um an tampi)
- A karh vivo mi hnapawl ah na sumhram kha bun thiam aw.
- Sumhram kan bunnak hna hi a hlanah felfai zetin theihfiang hmaisa a tha.
- Kan hnakih a nei deuhpawl kha zohthim thiam ding.
- Hnatuannak ah mah le mah rinsanawk hnakin mi rinsan mi si a tul.
- Minung ih kan man neihnak hi sumpai parah a si lo. Kan dingfelnak hi a si sawn.
Isaiah 26:12
Kan mit vangtertu le thahnemnak ih kan hmanpi thei cionak ruahsan in siartu nan zate parah Pathian thawsuah thleng hram seh!
