THEIHKAUHNAK LE SAWMNAK

Leitlun ih alarzetmi pawlkom a tawinak hmin pawl-
ADB - Asian Development Bank
AIR - All India Radio
BBC - British Broadcasting Cooperation
CIA - Central Intelligence Agency
CID - Criminal Investigation Department
CND - Commission for Narcotic Drug
EEC - European Economic Community
FAO - Food and Agriculture Organization
FBI - Federal Bureau of Investigation
ICRC - International Committee of Red Cross
NAM - Non-Aligned Movement
FIFA - Federation of International Football Association
UEFA - Union of European Football Association

Leitlunih siartu tambik calai pahra(10) pawl-

Daily Mail (British)
The New York Times (America)
The Guardian (British)
People’s Daily (China)
Washinton Post (America)
The Sun (British)
The Wall Street Journal (America)
Asahi Shimbun (Japan)
The Times of India (India)
Daily Telegraph (British)

Leitlun mipum siardaan thuanthu
BC 800 - 5 Millions
AD 500 - 100 Millions
AD 500 & 600 - 200 Millions
AD 1250 - 400 Millions
AD 1805 - 1000 Millions
AD 1927 - 2000 Millions
AD 1959 - 3000 Millions
AD 1974 - 4000 Millions
AD 1987 - 5000 Millions
AD 1999 - 6000 Millions
AD 2011 - 7000 Millions
AD 2025 - 8000 Millions
AD 2050 - 10000 Millions

Caan a lak ih a hman men tu nau le hrang ral rin peknak
Ka nau …. Caa siar aw.
Kan rampi ih hmai lam cu nan kut sung ah a um.
Rem that ding atam tuk.
Belh sal ding khal siar cawk lo aum.
Kan thuanthu vekrorin zin dik a zawh acu thlang.
Hihi nan par ah a thum aw.
Ka nau…… caa hi siar aw.
Nan sung kua nan lung rual thei nak ding ah
Pakhat leh  khat nan theih thiamawk thei nak ding ah
Zawn ruatnak a karh sinsin nak ding ah
Buainak phunkim nan tuah fel theinak ding ah
Dawtum zetmi inn sang nan si theinak ding ah
Caa hi tampi siar.
Ka nau….. caa hi siar aw.
I spent most of my time reading. (Ka caan tam sawn hi caa siarnak ah ka hmang.)
Hih tongkam tuleh tu simtu hi leitlun ih lianbik a simi Bill Gates (Micorsoft Company CEO) so khaw. Tu ih sin thok in na thinlung sung ah ret aw, caa tampi siar ding in timlam thlang aw .
Ka nau …..caa siar aw.
Nan nih thangthar pawl caan a lak ih nan hman rero lai ah leitlun ih thang thar dang pawl caa an siar rero zo.
A rei deuh le …………… nan thlau aw deuh
A rei deuh le …………… nan tang deuh
A rei deuh le …………… nan tuar deuh deuh ding si ko.
Cu ruang ah caa hi tampi siar aw.
Ka nau …. Caaa siar aw.
Bu Chuk Aung San caa a siar
U Tan (ကုလသမဂၢ ေထြေထြ အတြင္းေရးမႈးခ်ဳပ္ေဟာင္း) caa a siar
Leilungpi  hel a duh mi na thinlung kha caa siarnak in thok sawn hnih!
Ka nau …. caa siar aw
Chatting na tuah rero mi kha supaw deuh .
Facebook zoh rero men kha cawl.
Beer dawr ih to men kha ban san.
Phe leh khal cawl.
Ziang hman ih lei theih loh na caan sung lawi hi caa siar nak ah hmag thlang aw.
Ka nau …. caa siar aw
A rei le kan ram hlawh hlang ah a cang ding
Nan nih thang thar pawl nan zuam a tul
Kan ram runsuak ding in ral nan do a tul
Sum dawnnak ral
Fimthaimnak ral
Sa khua nak ral
Politic ral
Hih ral donak pawlhi hriam hrei a tel lo thluak hmang in lung rualnak zuamawk a tul.
Raldonak zaten nehnak nan co theinakding ah
Nan fim a tul.
Nan lung rual a tul.
Fimnak hrang caa siar uh
Lung rualnak hrang caa siar uh
Ka nau caa hi tampin siar aw.

TUI’ SAN

TUI’ SAN

By, Bawite Laisak

Leitlun Ram tin a \hangso, minung fimnak a saangsin ih
Hlan san Sadom le Gomorah sual kan hluan zik zo.

Khawm Hlu thlak ding hman kan nei lo naan
Zingtin Lakphak innak cu kan nei thei ringring.

|hangthar mino le Zuu an \hen aw thei lo.
Mino pawl nun can hruai sualtu
Upa kan pung sinsin.

Mi hngal mipuar kan tam leitlun ah
Hmanseh leitlun ah thingkuang pakhat le thlanmual pakhat lawng kan nei.

Kedam thar kan neih cun
Bawngbi kan thing duh cuang.
Nazi man khung le Sui fau(zunghruk)kan neih cun
Luu a thak duh deuh ngaingai.


Leitlun sumsaw lennak kan thlir \heu ih lung diriam a har.
Lennak hi maw Kan lungawinak a siih kan hawl ṭheu.

Leitlun cu Ni a suak ih, Ni a liam cun khua a thim saal.
A thim dahlonak hmun cu ziangtlukin a nuam ding.


Mi thiam sibawi pawl cun, Dam lo hnen in sumsaw an lak.
Zumtu pawl cu, Pathian hnen in thlawsuah
Alakin kan dong ve.


Na thilrit cu Leilungpi ah \hum hlah.
Na phurh saal tikah a lo delh ding.
Jesuh hnen ah \hum aw.
A lo sawng dingih na tha tlung saal ding.

Jesuh cu sawm aw
Na thiltuahmi kipah na hlawh a tling ding.
Amah rinsantu a mualphoh ter siang dah lotu a si.

LAMZIIN

LAMZIIN

By, Bawite Laisak

v  A caan um lai ah cun Man a neihzia kan palh ṭheu, Caan a liam hnu ah cun Sirawknak in kan khat sawn riangri.

v  Na Duhdawtmi kha ni nikhat khat ah An ziam ral leh ding. Tui' ni ah Duhdawtnak thu sim aw.(nikhat veikhat)

v  Nangmah le nangmah rinsannak lawngin Na nunnak na tlamtling ter thei.

v  Ngakṭah leh Nuhmei khal in Milian zet vekin an hna a ngam thotho. Minung cun kan ṭulmi si loin Kan duhmi le a um lomi kan buaipi tam sawn ṭheu.

v  Mi ṭhenkhat cun in nomter theitu(milian/rothil)kan ruahsan ṭheu. A taktak ah cun mit meng cingih kan palhmi tumpi a si sawn.

v  Na duhdawt zetmi Nu/Pa kha Na hrang a tlin famkim lo vekin A hrangah na famkim tawk thluh ve lo.

v  A taktak ah cun Duhdawtnak timi hi A famkim lomi thil pa hnih komkhawm cop vek khi a si.

v  Kumkhua a hmun ringring lo, Nikhat khat ah a ziamral leh dingmi Minung Duhdawtnak.

v  Nunnak timi khal hi Ral do vek Neh ringring a theih lo na'n Ral do ṭhang cun ṭan daan a thiam. “Sung” timi na ṭih sungah cun Nehnak na co dah lo ding.

v  Mi Zapi hmuh daan le zoh daan men in A liampi maitu si tum hlah. Leitlun thil hi a hman daan thiam cun Santlai lo le ṭangkai lo a um lo.

v  Harsatnak cun in thleng danglam thei ih In thleng danglamnak cun Hlawhtlinnak khal in pe thei.

HMINSIN TLAK MIROPIPAWL IH TONGKAM

By, Salai BawiBawi
 

1. A lenglam mawinak nan sam tuahdan, nan hlawnthil sui le ngun thawn nan thuamawkdan le nan hnipuan hrukdan in mawinak hawl hlah uh. Pathian ih mit hmuhah a sunglawibik mi mawinak taktak cu nan thinlung sungih a um mi, a tar thei dah lo mi lungnemnak le thindaihnak sawn an si.
                                              By, Piter

2. Nawmnak dingah thil tampi lei a theih nan, thinnawmnak cu lei a theih lo. Rawl cu lei a theih nan, kathawtnak cu lei a theih lo. Sii cu lei a theih nan, damnak cu lei a theih lo. Theihkauhnak cu lei a theih nan, fimnak cu lei a theih lo. Sumpai tampi in a lenglam phawhawng cu tampi lei a theih nan, nun sungril mawinak le sunlawinak cu lei a theih lo.   By, Arne Garbog

3. Insang pakhat kan ti mi cu duhawknak taktak parih dinghnget a si ding ti ka zum. Mawinak, lennak le hahiau mi neih ruangah mansahlapih a neiawpawl lakah insang buainak le nupa thenawknak a thleng tambik.
                        By, Montaigne

4. Amah cu a dum relri zet nan, eng pempem vekin ka hmu; a tawl tiangti zet nan zukneng fate vekin ka hmu, a awhro a se zet nan, thlum duahdo vekin ka thei, duhdawtnak!
                    By, Geoffrey Chaucer

5.Ka duh(cia) mi nu te tel lo cun Siangpahrang dinhmun le tuanvo hi ka thinlung saduhthah vekin zianghman ka tuah thei hrimhrim lo ding ti ka thei cia.
                  By, Edward V

6. Ngaidamnak kan ti mi cu vawikhat te ngaidamawk duak lawng khi a silo, nun lamtluanah thlah loih tuah ringring ding mi a si.
                  By, Martin Luther Kng Jr.

7. Mipawl in malte an ngahnak san hi malte an duh cia ruangah a silo. A tirte ihsin malte lawng an rak hril cia ruangah a si.
8. Lamzin na feh tirah ziangtlukih na hmailam a thim bembem hmanah na tha thlah cuang hlah, dung khal sip hlah. Buainak hmuahhmuah ah a lehnak(aphi) retcia vivo a si.
By, Jack Canfield and Mark Victor Hansen

9. Nun lamtluan hi lungto rialnak khawl vek a si. Cui khawl cun cipneknek in a lo rial ding nan, mawisawn thawsawn le eng sinsin dingin ka lo tuah thei. Ziangvekih a lo suah a si hmanah nangmah na thupibik.
               By, Robert

10.Pakhat le pakhat zuamawknak hi duhdawtnak hnak hmanin a ropi ih, upat sunlawihtlak hrimhrim a si.
             By, George McDonald

11. Zovek minung khalih kan haheuh kuahko mi le kan ngainat zet mi pakhat a um, cucu theihpiawknak hi a si.
                     By, Warren Buffet

12. Na sim mi le na tuah mi parah na covo a um, Nangmah ih tawkzawn in na ngah ding.
                     By, Solomon

13. Lungawinak nun neihnak tikcu cu “tu” hi a si. Lungawinak nun neihnak hmun cu “hitawk” hi a si. Lungawinak nun neih theinak lamzin cu “mi dang lungawiter” hi a si.

Ref:#Rev. Dr Lal Tin Hre

MAW… TUISAN

By: Bawite Laisak

1. Kutsih hrih lo pawl thi-aw zo vekin an um ih Kutsih aw zo pawl nei-aw hrih lo bangin an um.

2. Ramsa pawl minung bangin thuam an hruh ter ih Minung pawl ramsa bangin an taksa an langh ter deuhdeuh.

3. Suakthuan pawl upa vekin an cuu ih Kum Upa pawl nauhak thinlung an puu deuhdeuh ( Caw tar hnahno duh)

 4.Nunau pawl mipa baning an raal a ttha ih Mipa pawl nunau bangin an Nuu deuhdeuh.

5.Thupte fala cu Mai' nupi ai-in an duh sawn ih Mai' Nupi taktak ih tlansan ding ngaingai cun an ttih lala.

6.Puaisa pawl cun kan miat lo anti naan Inn pakhat hnu pakhat an din. Thlahlawh nei pawl thlahlawh suah le nuam an ceen ih zianghman an khawl thei lo.

7.Tikcuu a her vivo ih thawngthum man thil ttukttak cu Ting sawmthum man thil thawn tikcuu a bang aw.

8.Zakhat man kuhsii kuak cu Tinghra man Censar nat-hrik kaitu thawn an rualrep.

9.Mi Farah le Mi lian pawl ih dinnak dang hman seh Siat ni a ra thlen cun an tonmi a bangrep.

10. Nikhat khat ah na thei/hmu fiang leh ko ding. Kan duhmi thil pawl hi kan ttulmi taktak an si maw? A si lo le kan hawl hngilh ttheumi thinnomnak hi maw kan ttulmi a rak si sawn..! tin

11.Nang teh zo thawn an um le na nuamawk bik? Sankhat nun ah Amah thawn nuam le lungawi zetin um tlang uh!

12.Minung kan dinhmun hi a hrasa zet. Nunnak ke kar karkhat tin ah Duhdawtnak thawn ke kar tlang uh si.

13.Jesuh cu pan aw Na hawl hngilh ttheumi nun hnangamnak na ngah tengteng ding.

LEITLUN THUFIM LAWR KHAWM

By, Salai Run Uk Mang (PaVal)

1.A lo huatupawl na neh thei dan cu na rak huatvelonak in a si. (Richard Nixon)

2.A sannakbik ih thlen na duh cun a niambik in thok aw! (Publilius Syrus)

3.A tlunlamih na feh thei lo asile a tanglam ihsin na feh a tul. ( Jewish Thufim)

4.Amai ram le miphun hman a duhdawt theilotu cun zianghman a duhdawt thei lo ding. (Biron)

5.Awkam nem in thinlung hak a neh. (Mirang Thufim)

6.Bel kawlawng cun thawmvang a nei cuang. ( Mirang Thufim)

7.Caan hi thinsiapawl hrangah sii thazet a si.

8.Caan hmang thiamtu hrang ah cun caan lawng neih a theih lo. ( Mirang Thufim)

9.Cabu hi thisen nei lo na ih tong thei a si. ( RL Stevenson)

10.Cabu pakhat lawng siartupawl tih an nung. (Latin Thufim)

11.Cafung hi hriamhrei hnakin a tha sawn. (French Thufim)

12.Calai neitu miphun sinak lawngah duhtawk loin calai cakzet neitu miphun kan si a thupi. (Pu Nozaam)

13.Daan a tam le dingfelnak a mal deuhdeuh. (German thufim)

14.Daihnak hi thildang hnak in a thupi mi a si. (GreekThufim)

15.Duh tuk nak in rei a daih lo. (India Thufim)

16.Duhdawtnak in leitlun a mawi ter. (Latin Thufim)

17.Elawknak in thuhla pahnih kha pakhatah a canter ding a si. (Spanish Thufim)

18.Fa sual neih na duh le an duhnak thlun vivo aw. (Chin Thufim)

19.Fim tuk cu at a si. ( German Thufim)

20.Harsatnak in ziangbang tuk minung kan si ti a lang ter. (Epictetus)

21.Hlawhtlinnak hi thinsaunak ih rah a si caan a um. (Mirang Thufim)

22.Hlawhtlinnak ropi tak ngah ding cun harsatnak na men lo pahtlang ngam a tul. (Chinese Thufim)

23.Hmuihmel thleng theih lo nuncan thin theih. ( Chin Thufim)

24. Hngalnak ih dungah tlaksiatnak in a thlun. ( Mirang Thufim)

25.Lamzin diklo ih feh hnakin vei hnih suh sal a thasawn. (German Thufim)

26. Lei hi zung thum lawng a sau nan pi ruk sang minung a that thei. (Japan Thufim)

27.Lungmankhung bangin hmuh ding harsa tuk hlah aw! Lungto bangin hmunkipih hmuh ding khalin um hlah aw! ( Chinese Thufim)

28.Mai umnak thei loih leng suah cu hlohnak a si. (French Thufim)

29.Malte sim tikah mifim cun an theithiam cih. (French Thufim)

30.Malte theitupawl in malte lawng an tuah. (Itali)

Thu laknak; Nitin Par