HNIHSUAK/CAPO

By, Salai Run Uk Mang (PaVal)

Tong Pai

A: “Kan fapa ih tong pai daan hi cu a mak tuk. Hiti vekih a tong pei ringring cun rei in dam pi thei lo ding”.

B: Tong Pai le santawi cu ziangsaw saing aw ih?

A: “Aze! Saing tuk e, voikhat tla cu tlawng a tlai ih khaansung a luh tum ah “saya win khuih pioh ba” a ti pangih an saya in a rak vuak si”

A: “Ziangah ‘saya win khuan pioh ba’ ti cu a tong pai a si sawm?”

B: “ Aw… an saya hna sungah cun ‘mata, khui lu ma ta’ tin a va lut si si.

At Tuk  Thu

Nupi nu pakhat kha a rualpipawl in “ziangahsaw na fanu pasal a neihnak thla(5) lawng a rei lai si fa a neih man” tiah an sut.

Cui nupinu cun aw neen tein “a cukel ee.. ka fanu ih at daan hi cu maw… nau hi thla(9) pai ding a si ti a thei lo a si kha” a ti.

Tidai Mankhung

Cawhnawi zuartu nupinu pakhat cu an khawsungah “ cawhnawi lei uh cawhnawi, zianghman rawi lo mi a si, khuat khat ks.500” tin a au vivo.

A rei deuh hnuah a dung in cawhnawi zuartu dang pakhat a ra ih, a nih cun “cawhnawi lei uh cawhnawi, zianghman rawi lo asile khuat khat ks.500, tidai rawi mi asile ks.1000”  tin a ra au ve.

Maw Duhdawtnak

Pastor pakhat cun duhdawtnak thu nazi pakhat le hrek zikte hrawng a sermon. Khawm an ban hnuah Pastor pai nupi in “papi na thusim mi a tha tuk nan a sau deuh” tin a ti.

Pastor pa cun thinheng hmel zetin, “ka thusim ngai paihlo tuktu kan khrihfa upa pakhat a ra khawm ve i, ka celh lo cingin ka hnekaw si kha, cawh rori seh,” a ti

Zuri Thuruah Daan

Pacangpa : “sayapa, kan naupa hi zu a in ringringih zu a rit hnu cun le thu thaten ruahpi a theih nawn silo, ziangtin kan tuah pei”?

Sayapa  : “zuri thawn thu thaten ruat tlang thei ding cun amah hnakih malte rit deuh a tul”.

Thuthannak

Nangmah le nangmah thangsiataw hrimhrim hlah; ziangahtile na rualpipawl in tuanvo an lak zo.

Ricin tei’ Rualvah

Ri nawn, tlu zik rero in Ricin le a rualpa cun Taxi an kham:

Taxi Mawngpa: “khawitawkih feh saw nan duh?

Ricin : “kan pathum in khawsung feh kan duh ko lo maw”?

Taxi mawngpa cun khawruah harzetin a zoh hngai ih;

Taxi Mawngpa : “a dang pakhat teh?”

Riciin : “ziangah, nangteh in thlun ve lo ding maw?”