JESUS TAKE THE WHEEL

By, RC Tuallawt

Carrie Underwood hi a hmel a mawi hleiah American Idol season 4 ah pakhatnak a rak ngah dah. May 13, zarhpi zan American Idol ah Top 5 pawl thawn ' see you again' hla an vun sak cu zoh hi an nuam in, lom a hlawh nasa.
Hi nu hin Pathian hla thatha khal tampi a sakih, Carl Roberg (1859-1940) i nganmi 'How Great Thou Art' ti hla tla hin mi a neh in ngai a nuam nasa.
Cun hi hla 'Jesus Take The Wheel' hin kan Bawipa Jesuh a sunlawih nasa in ka thei. Nunau pakhat jesuh rumdamtu ih a pom hnu,a tlukbah san sal thu a si.
Zarhte Ni,thlatang khuadai zanah a nu le pa'n hnen lamih X'mass hmang ding in a fate thawn an khua CinCinnati lam pan in an pawk. A naute cu motor dunglam naute retnak ah a um ter. Peng 50 lai motor mawng a ttul nan,gasoline an neih mal zia a vun thei. Ding loin a mawng vivo. A liamcia canih a harsatnak pol ruat in a thin a bang zet. Thil tampi in a thinlung a ti buai ruangah a motor mawg a cak tuk ti khal a thei aw lo. A vun theih ngah cun control theih ci a si nawn lo.
Thu tampi ruahnak caan khal a nei nawn lo. A ruahnak ah a fate thawn a liamcia can polih an harsat zia pol a ra lang. Tahnak caan khal a nei lo. Ti ngaihnak a theih nawn lo hnuah a motor mawng nak wheel ihsin a kut cu a la ih,van lamah a vun thir in,mangbang zet in Jesuh hnenah bawmnak a vun dil. "Jesus,take the wheel. Take it from my hand,because i can't do this on my own. I'm letting go. So give me one more chance, save me from this road i'm on. Jesus take the wheel"
"Jesuh,hi ka mawn laimi wheel hi na kut run kai aw. Ziangah ti le keimah lawng cun ka ti thei lo. Ka thlah sokhaw. Veikhat lawng caantha in pe sal hram aw. Hi ka lamzin zawhmi hi sinpi zetih ka zawh theinak dingah,i bawm aw. Hi wheel hi na kut in run la aw la,run mawng aw" tiin. Amah duhdawtih a kotu hngak ring2 tu Jesuh cu daiten a um na zum maw? Can reilo teah Motor cu a ding thei. A dunglamih a fanu a vun zoh cu a lungawi tuk ah a vun tap. A naute cu ihhmu thaw zet in a itthat. Cu Nu Pathian hnenih a thlacam lonak hman cing ban nawn lo nu cu Pathian hmaiah khuk bil in thla a vun cam.
"I'm sorry for the way i've been living my life. I know got to change. So from now on tonight jesus take the wheel" "Na duh daanih ka rak um lo hi pawi ka ti. Ka nun dan hi na lungawi zawngih ka thleng a tul ti ka thei. Tu ihsin,si ko,tui zan rori in.... Jesuh ka nun wheel mawngtu le control tu si aw" tiin.
Kan nung mawngtu hi zisu si ter ve hram uh si.

RANG LENG

By  RC Tuallawt

Kalaymyo Aungtitsa vengah khin rualpi pakhat ka nei. Annih hin Rang Leng an neiih Kalay- Tahan le a kiangkap khua pawl ah thilri rit zetzet phur in sum an hawl theu. Veikhat cu an thil phur mi a rit tuk thawn an Rang le tarlam a rak si thawn a bang tuk, a thilphurh mi dir thei loin a hmunah a thi cih. Rang hi ka rak zangfah dah emem lo nan, cui tum cu ka zangfah zet. Rangleng hi ziangvek a si ti simfiang tul loin kan thei cio ding ka zum.

 Rangleng hi an rak hmannak a rak rei zet, Bronze (Dar) age le Iron age san lai ihsin an rak hmang zo. An hmannak bik cu raldoawknakah an rak hmang bik. Hlanlai Rom-pawl hi Rangleng hmang nasa pawl cu an rak siih, doawknak ah an rak hmang nasa. A hmin khalah ‘car’ tin an rak ko. Rang pahnih dirh mi leng cu ‘biga’ an tiih, Rang pathum dirh mi cu ‘tirga’ tiin le Rang pali dirh mi cu ‘quadriga’ tin an rak ko. Jesu suah hnulam cun doawknak lawng siloin thil phurhnak lamah an run hmang vivo. Rangleng hi a tuah daan ih zirin thil tampipi a phur theiih, a thupi zet mi cu a dirtu a Rang sawn kha a si. Ziangtlukin thil phur tam thei in tuah hmanseh, a dirtu Rang kha Rang cak lo, Rang tar tivek asicun zianghman sullam a nei cuang lo.

Cuvek thiamthiam in tulai zumtu nun khal dircaitu parah thumaw in cak le cak lo kan um vivo. Mihrek cu kawhhran ih an pek theinak in a dirih, mihrek cu mino lamih hruaitu an sinak in a dir, mihrek le khawsungih hruaitu an sinak in an zumtu nun a dircai ih, mihrek le minung mithmai zohnak tivek in a dircai hai. Cubangih in dirtu cu tikcu a ra rei in Rangcak nawn lo le Rang tar cau vekah rung cangin hman tlak lo, sawr tlak lo zumtu nun le zumtu nun cak loah a rung cang theu. Curuangah kan zumtu nun in dirtu dingah, thil dang hmang loin, bang ve thei lo, tar ve thei lo le cau ve thei lo kan Bawipa Jesu lawng kan hmang asiahcun kan zumtu nun hi a cau meimei thei lo ding.