KNOWLEDGE

SUAHNI LE THLA IHSIN MINUNG MIZIA

By; Cerboihpa

Hlanlai Babilon, Egyptian-pawl, Sumarian le Greek-pawl khan arsi cang dan le um dan ihsin minung nun thawn pehtlaihawknak nei in an zum. Leilung heltu planet-pawl cangvaih dan ihsin le arsi hlawm(a burih umkhawm) phunphun constellation-pawl cangvaihdan ihsin, cumi caan te ih nau suak/ nau nei umdan, an mizia pawl kha pehzomawknak nei in an rak zum. Curuangah hivek planet le arsi cangdan ihsin horoscope an rak tuah theu. Cutin hlanlai Lal le milian pawl cun amahte astrologer(mithiam) an neiih, arsi ihsin hmailam thuhla zohcianak an rak nei theu. An thurel/zohcianak pawl hi thudik tampi a um nan, 100% ah 60-80% hrawng hi an dik dan tlangpi cu a si.
Hivek astrology le number ihsin minung nun pehtlaihawknak lam NEUMEROLOGY mithiam pawl in minung suahni le thla ih zirin kan mizia tlangpi an tarlang dan cu:

January 20- febuary 18 karlak ih suakpawl cu: dan leh dun pawisaknak nei lem lo mi, ngaidan/duhdan awngaw tak, midang ngaidan ziang ih rel vak lo, ziangvek thil khal ngaihven mi, theihthiam har ve tak leh mi zalen ve tak an si.
FEBURARY 19 -MARCH 2O karlak ih suakpawl cu: thu ruat ciamco vak lo, thil tuah hnu lawngih ruatkirsal fang mi, thil ti laklawh lai khal ban san lawk mei hreh lo, thawveng ve tak, thinlung tluang le tirhsiang ve tak, mahte a pakih um nuam ti mi, thil hlonhlo/tlansan maimai dah lo mi an si tlangpi.
MARCH 21-APRIL 20 karlak ih suakpawl cu : mi hahdam thei tak, ruat fel hmaisa ta loih thil tuah hmang, thil ti hmaisa le a hmaisa lam si duh mi, thinse ve lam, hmaihruaitu dingih tha, thinlung awngaw tak le thil danglam ton nuam ti mi an si tlangpi fawn.
APRIL 21-MAY 20 karlak ih suakpawl cu: duhdawtnak la na mi, beidawng maimai lo, thil ei duhlo nei mal zet, rem thei lutuk lo, hna khungkhai khal tuan hrehnak nei lo, mahtei' thil ti ding ruat/theifiang mi, a ngaingai ih thil ti duh mi le lungruh ve tak an si.
MAY 21-JUNE 2O karlak ih suakpawl cu: um menmen thei lemlo, mi ti lungawi thei le mi hnihter thei tak, thil thar ngaina, rualpi ngaina le pawl nuam tak, mi tha, thil a si dan theiciang duh mi le buai maimai lo-thil a phunphun thiam/theithiam awl emem, mizia thinlung put theihthiam har tak, thinlung phir nei thei tak, mi va zum lohli hmang, tawng duh leh mi va kom paih zet le thu rawn tlak ve tak an si tlangpi.
JUNE 21-JULY 20 karlak ih suakpawl cu: midang hnem thiam zet, midang hrangih pe aw mi, hlim thei ve tak, midangpawl ngaihsak peih tak, thinlung naa awl ve zet, ruahnak thup nei hmang mi, ei/in thaw ngaina mi le innlam ih um nuam ti mi an si..
JULY 21- AUGUST 20 karlak ih suakpawl cu: an kiangih um a nuam, lemcan/a der ih um thiam, midangih rinsan mi si an duh, phunciar ve lam, rualpi lak khalih hruaitu/hohatu lam si duh, mi hip thei ve zet mi, in ret sang/ropi ve tak le thil zuar thiam, sumdawn thiam vur ram khalah vur zuar awla na khawng thei vio ding an ti vek deuh pawl an si.
AUGUST 21 – SEPTEMBER 20 karlak ih suakpawl cu: uar takih thil ti hrim hmang mi, vei zawng thup nei thei tak, capo thiam ve deuh, standard/umtlandan sang, thil vei zawng vei thei ve tak, mi felfai ve tak, a tha lam zawngih mi sawisel hmang mi an si duh tlangpi.
SEPTEMBER 2I -OCTOBER 20 karlak ih suakpawl cu: innsung cei/tam danglam nuam ti mi, thutluknak tuah thei lohli thei theu lo, thluak cak ve tak, dik ti aw ve zet mi, duhum/ngainatum(lovable) zet, midang lungawi ter hi nuam an ti thei zetih thil hi an duh cangkang thei khop mei.
OCTOBER 21-NOVEMBER 21 karlak ih suakpawl cu: tawngkam hmang na ve thei tak, tih mi nei lem lo, neih thei lo ding khal duh thluahhlo hmang, thinlung khohkhah zet nei mi, thil ruat thuk thei zet, thil tithei emem mi, mi danglam ve tak an si.
NOVEMBER 21-DECEMBER 20 karlak ih suakpawl cu: thil ho te khal ngai poimawh thei tak, mi tuarfei zet, rualpi ngaina emem, mi capo thei zet, nomawknak lam nuam ti mi, a tulnak ahcun cun tlawn/suahvah awlsam ve tak le vantha thei zet mi an si.
DECEMBER 21-JANUARY19 karlak ih suakpawl cu: thil tuah tento mi, midang ngaidan ngai thupi sak thei zet, caan hman thiam zet mi, pitling aw ter emem, mi cangkang tak, a ol zawngih thil ti thiam mi, rinum/rintlak tak leh thil ziangsimaw tuah ding mi hrangih can remcang tuahaw thiam zet mi an si.
Hivekpawl hi kan Bible rinsan a tlak vek cun rinsan ih zum thluh ding cu asilonan mifim/mithiampawl ih an hmuh dan tlangpi asiih, 100 ah 60/70 hrawng cu a dik mi an um ve thei. Na suah ni le thla, na mizia thaw teh in a milaw/kaihaw ko maw?