2018 KCP FOOTBALL CUP SPONSORS-TU TAM

Tuikum 2018 KCP Football Cup cu hminsin tlak zet mi thuanthu thar ngan in, tui' hlanih kan rak theih/ton dah lemlo mi ramsung/ramleng ihsin sponsor tampi a lut. 

Sponsor-tu an hmin le an sponsor mipawl cu a hnuai lam vekin a si:

1) Salai Tha Tin Ceu -Trophy
2) Salai Isaak Lal Biak Zul – Net(Goal ban dunglam zar mi Paih)
3) Salai Dr.Van Rum - Bel khap (10) le Ks.50000
4) Salai Hawl Thang - Ks.30000
5) Salai Mang Bawi (Malaysia) - Ks.50000
6) Salai Vante (Malaysia) -Ks.50000
7) Mai Za Biak Mawi (China) -Ks.100000

Puai thawh tlai ahhin Sponsor a um bet vivo ih, Sponsor-tu le an sponsor zat-pawl cu a hnuailam vekin a si.

1. Pa Thara ks.5000( lekthiambik hrang)
2. Pa Biak Nawl (Lek thiam hleice-pawl) - Ks.22000
3. Pa Pak Hre - Ks.10000
4. Pa Dun - ks.5000
5. Salai Lal Rin Pui (China) - ks.5000

"Pathian zarah kan KCP khal kum hra sung ke a kar ve rero zo ih, tui kum vekih Sponsor-tu kan neih hi a um dah lo. Pathian thlawsuah kan dawng nasa, miphun duhdawt dan kan thiam vivo, a lungawi um tuk rori. Hitivek ten ke kan kar tlang vivo thei asiahcun kan KCP cu tum suk lam siloin thanso lam kan pan deuhdeuh rori ding. Ziangtin kim tawlrel a nuam ih hruaitu siseh, mipi zozo khal kan phur in kan tha a tlung tuk lawmmam", tiin Game Vice-President Salai Țha Tin Ceu cun KCP TLANGAU fehtlang in a sim.

UFC DAAN LE DUN

By/ RC Tuallawt

UFC hi zoh nuam ka ti zetih, kan KCP sung khalah hin uar kan tam ka zum. Hi lehnak hi tihnung le harsa zet, mi raltha le thiamnak nei pawl lawng luhnak a si ti cu kan thei cio ding ka zum. Hi lehnak hi vun zoh men ah cun duhduh i tthua aw hluahhlo an bang zet. Hmanseh taksa ttihnungnak lai pawl cu an rak kil aw ve nasa hi a rak si. Curuangah an daan le dun hi ka run ngan hnik ding. 

Glove(kut tuam) hi kut zungcang lang thei, kutcang inchi khat sah ih tuam mi, gram 110 in 170 i rit a si.

 Tap out: Fighter in a tumpi cang thei lo ko a rek tikah ka sung ti lang ternak ah zial lole a sualtu pa'n taksa a beng.

 Knockout: Cang thei nawn lo ko sit lole thawng thluk.

Technical Knockout:- Hliam tuar ruangah sualawknak a cem in. Himi hi then 3 in an then. Referee in sung dingih a hmuh cun pakhat sawn nehnak a pe. Doctor in thisen suak tam tuk simaw, mit khua hmu fiang nawn lo si maw tivekah fight an ti tawp. An nipiah pawl in kan sung ti in hrukpuan an deng lut thei lo nan, an bulpak in sung sawn mei ding in an sim thei.

Sian lo mi

1. Luu i sawh (sut)

2. Mit sung lole mitmu purh sak simaw tham sak simaw

3. Keu awk

4. Sam i dirh sak

5. Kaa sung tham sak

6. Sualpi mi hliam hma lole pem kutzung i sawh (purh)sak.

7. Ruh pehawknak ti nat sak awk.

8. Kiu zum hmang in suk zawng i sawh.

9. Dang i in tham( rek) sak lam hrimhrim.

10. Til i kaih simaw, sit simaw

11. Sualpi mi tlu zo hnu an luu i sit.

12. Sualpi mi tlu zo hnu khup i rawt.

13. Sualpi mi tlu zo hnu ke i ttum.

14. Kaileng zawt kedil i sit

15. Sualpi mi zial i an it lai an luu simaw, hngawg simaw ttum.

16. Sualpi mi Bawngbi simaw, kutbun simaw kaih sak.

17. Sualpi mi cil phui

18. Thinheng ruang i sualpi mi tinat. (Diremnak i hman)

19. Ring lole kulhnak simaw kut i kaih

20. Ring lole kulh sungah huatawknak ttawngkam hman. (Boxing le lehnak dang ah cun ttawngkam sia in an ter aw theu nan, Ufc ah cun a ngah ve lo.)

21. Cawlh caan i va tthuat

22. Referee kut sungih an um lai va beih.

23. Dar awn hnuih va tthuat.

24. Sualpi mi thaten sual duh lo le, sual duh lo ruangih Haa hmai tuamnak ti tla leuhleuh. Naa tuk si lo, naa tuk vekih lang ter.

25. Lenglam mi ra hrawlh awk.

26. Sualawk laiih hrukpuan den luh.

2018 FIFA WORLD CUP RUSSIA THLIRSALNAK

By, Biak Lawm Zual

Awle, a vei (21)nak FIFA World Cup cu khop lo cing ten July 15 (2018) ah a cem ruangro ta. Tui tum W.C cu mitmeng ta pauh cun kan zoh ti sehla kan ti sual tam lo ding. Leitlun a cangkangih, inn tin deuh thaw ah TV kan hung ciau ih, zoh pi tu khal nei mumal loin, mai inn sung te ciau in umhar zetih zoh le thlir ciau ah a cang ta a si hi. Kan theih tlan zo mi le kan zoh ciau mi si khal sehla thil um dan tete mal lai in a hnuailam ah zoh tlannak kan nei tlang pei.

Zohman Neh Lo : Group match ah team khat in vei (3) ciau an sit ih, cumi ah Group A isin Eygipt le Group G isin Panama tei’ team hnih cun zohman neh mi nei loin (mark khat hman hmu lo) ningzak mualpho ten an ram lam pan in an tlung muarmo.

Team Khat Te Lawng : Kan Asia continent isin W.C ah team(4) an lut ve ih, cu mi sung ihsin team khat (Japan) te lawng in Group match lan in knockout an sit ban ve ih, Quarter cu an kai ban cuang lo. Leitlun level ahcun, Asia cu a tenau deuh lai a bang.

An Vel Tap : W.C Champion lai Germany team cu Asia team a si mi S.Korea in Goal hnih ih neh in an vel tap ih, ninghang riahsia in puantom an zual ih W.C an mangtha ruangro mai kha cu thilmak a tling.

An Neh Vivo : Uruguay, Croatia le Belgium tei’ team (3) cu Group match ah, an ralpawl an neh vivo ih mark 9 (full mark) ciar hmu in mawi tak in an kai so.

An Hlon Thla Thei : Round of 16 match ah inn tek Russia team in hmin thang Spain team cu Penalty Shotout hmang in an hlon thla thei tariai mai. Inn tek cingcing..

Mithiam Umkhawmnak : Tulai leitlun player hminthang le thiam umkhawmnak  France le Argentina an nuai aw vutvo ih, France in 4-3 in nehnak a co hnu ah, Uruguay le Portugal khal nang maw kei ti aw veve, mah tawk ih rinsan aw ttette an hon buanaw taktak mai cu a netnak ah Uruguay in 2-1 in an hmin an hum ngah ta a si.

A Kai Ban Lo : Group B le Group H ita zohman Quarter final ah an kai ban lo. Group A le Group G ita team (2) veve an kai thung.

An Ning A Hang Tuk : Semi final ah zo deuh saw si ke tiih ruah ciau mi France le Belgium tei’ team hnih cu thih tha suah in an hawn thua aw taktak mai ih, France hmai kham Umtiti ih lu sawhnak kham thei loin, Belgium pawl cu goal khat ten an sungih, ninghang duahdo in final an lut thei loih third Place hngakin an duh tawk ta a si.

 Zum Lo Sawn Mi : Croatia le England cu Semi Final ah thei tawp suah in an cil aw ih, mipi tam sawn in an zum lo sawn mi Croatia team cu 2-1 in an cungcuang deuh ruangah hnangam ten final hngak in an ha an tat thei ta.

A Vei(2)Nak : 2018 FIFA W.C kharnak match netabik ah France le Croatia cu leitlun mipi hmai ah nau ce vek hlah ti lungput nei in, an hual aw ih, France cingcing in 4-2 ih neh in, W.C Shield pi cu uangthuang tak in an cawi ih, a vei (2) nak W.C Champion sinak thuanthu an ngan thei ta a si.

W.C Zohtu Larbik : Tuitum W.C zohtu lakih larbik le langsarbik cu, Croatia President Kolinda Grabar Kita rovic hi a si. Ani hi Croatia nunau President hmaisabik khal a si. A hmel a tha ih, a tuak fawn, amah len a tum si, tongkam thiam takin mipi hip thei zettu a si. Tui tum W.C ah Croatia team an sit tinten a hmunah a va zoh theu ih, a fehnak khalah cozah vanzam hmang loin, Passanger to mipawl to in, a mai paisa cem in, mi zaran menmen vekin a feh theu, uar a um tuk. A netabik laksawng pek tumih Croatia team form (Jersy) hruh, nunau mi rak pom vivo tu kha a si.

Goal thun tambik team      : Croatia – 21,   Belgium – 16,

                                             England – 16,    France – 14,

                                             (Penalty shotout tel in)

Match khat ih thun tambik : England 6 – 1 Panama,

                                             Russia 5 – 0 SaudiArabia

                                          (Caan cem Penalty Shoutout tel lo)

W.C sungih Goal thun zate : vei (193) (Caan cem hnu Penalty Shotout tel in)

W.C sungah match (puai) : Vei (64) a um

Bulpak Laksawng ngahtupawl : Harry Kane (England) Sui bout,

                                                    Luka Modric (Croatia) Sui bawhlung,

                                                   M bappe (France) Young Player Award,

                                                   Caurtois (Belgium) Goul Keeper (Sui kutkawr)

W.C = World Cup tinak a si.

Tui tum W.C cu bulpak ih milar taktak Ozil, Suarez, C.Ronaldo, Messi, Neymer le M Salah pawl cu tuan teah puantom zual in mai ram lam an pan tariai. Ziang khal len dam tei um kan zuam dingih Kum 2022 QATA FIFA W.C hngak in khua kan cuan a si pei cu.

2018. FIFA WORLD CUP RUSSIA

By, Biak Lawm Zual

                                                     Group Stage
  A                                  B                                   C                         D
Russia                      Portugal                  France                  Argentina
Saudi Arabia           Spain                       Australia               Iceland
Egypt                       Morocco                 Peru                       Croatia
Uruguay                    Iran                         Denmark                Nigeria

    E                                  F                              G                                   H
Brazil                       Germany                   Belgium                         Poland
Switzerland            Mexico                       Panama                        Senegal
Costa Rica              Sweden                      Tunisia                         Colombia
Serbia                      S.Koria                       England                        Japan


GROUP MATCH  FICTURES

14. June 2018 (Thursday)
9:30PM  Russia  Vs  Saudi Arabia

15. June 2018 (Friday)
6:30pm   Egypt  Vs  Uruguay
9:30pm   Morocco  Vs  Iran

16. June 2018 ( Saturday)
12;30am   Portugal  Vs  Spain
4:30pm    France  Vs  Australia
7:30pm    Argentina  Vs Iceland
10:30pm  Peru  Vs  Denmark

17.June 2018 (Sunday)
1:30am   Croatia  Vs  Nigeria
6:30pm   Costa Rica  Vs  Serbia
9:30pm   Germany  Vs  Mexico

18. June 2018 (Monday)
12:30am  Brazil  Vs  Switzerland
6:30pm    Sweden  Vs  S.Koria
9:30pm   Belgium  Vs  Panama

19. June 2018 (Tuesday)
12:30am  Tunisia  Vs  England
6:30pm    Colombia  Vs  Japan
9:30pm    Poland  Vs  Senegal

20.June 2018 (Wednesday)
12:30am  Russia  Vs  Egypt
6:30pm    Portugal  Vs  Morocco
9:30pm    Uruguay  Vs  Saudi Arabia

21. June 2018 (Thursday)
12:30am  Iran  Vs  Spain
6:30pm   Denmark  Vs Australia
9:30pm   France  Vs  Peru

22. June 2018 (Friday)
12:30am  Argentina  Vs  Croatia
6:30pm   Brazil  Vs  Costa Rica
9:30pm  Nigeria  Vs  Iceland

23. June 2018 (Saturday)
12:30am  Serbia  Vs  Switzerland
6:30pm  Belgium  Vs Tunisia
9:30pm   S.Korea  Vs  Mexico

24. June  2018 (Sunday)
12:30am  Germany  Vs  Sweden
6:30pm   England  Vs  Panama
9:30pm   Japan   Vs  Senegal

25.  June 2018 (Monday)
12;30am  Poland  Vs  Colombia
8:30pm   Saudi Arabia  Vs  Egypt
8:30pm   Uruguay   Vs  Russia

26. June 2018 (Tuesday)
12:30am  Spain  Vs  Morocco
12:30am  Iran  Vs  Portugal
8:30pm    Australia  Vs  Peru
8:30pm   Denmark  Vs  France

27. June 2018 (Wednesday)
12:30am  Ice Land  Vs  Croatia
12:30am  Nigeria  Vs  Argentina
8:30pm   Mexico  Vs  Sweden
8:30pm   S.Koria  Vs  Germany

28. June 2018 ( Thursday)
12:30am  SwitzerLand  Vs  Costa Rica
12:30am  Serbia  Vs  Brazil
8:30pm   Senegal  Vs  Colombia
8:30pm   Japan   Vs  Poland

29. June 2018 ( Friday)
12:30am  Panama  Vs  Tunisia
12:30am   England  Vs  Belgium

LOSER  OUT

30. June 2018 (Saturday)
8:30pm  C.1  Vs  D.2

1.July 2018 (Sunday)
12:30am  A.1  Vs  B.2
8:30pm   B.1  Vs  A.2

2. July 2018 (Monday)
12:30am  D.1  Vs  C.2
8:30pm  E.1  Vs  F.2

3. July  2018 (Tuesday)
12:30am   G.1  Vs  H.2
8:30pm   F.1  Vs  E.2

4. July 2018  (Wednesday)
12:30am  H.1  Vs  G.2


QUARTER  FINAL

6. July 2018 (Friday)
8:30pm  A.1/ B.2  Vs  C.1/D.2 (nehtu veve) (1)

7.July 2018 (Saturday)
12:30am  E.1/F.2  Vs  G.1/H.2  (nehtu veve) (2)
8:30pm  F.1/E.2  Vs  H.1/G.2   (nehtu veve) (3)

8.July 2018 (Sunday)
12:30am  B.1/A.2  Vs  D.1/C.2  (nehtu veve) (4)


SEMI  FINAL

               11. July 2018 (Wednesday)
12:30am  QF1  Vs  QF2  (nehtu veve) (5)

                 12.July 2018 (Thursday)
12:30am   QF 3  Vs  QF 4 (nehtu veve) (6)

THIRD  PLACE

14. July 2018 (Saturday)
8:30pm  SF5  Vs SF6 (cak lo veve)


FINAL

15.July 2018 ( Sunday)
9:30pm  SF5  Vs  SF6  (cak veve)

Loser Out isin a tongaw ding a theihtheih lo ruangah, Group match zohin mahten a tongaw ding cu, ben vivo ding asi.

FIFA World Cup hi kum 4. Ah veikhat lawng a um ruangah, tui tum khal dam tei kan um ahcun zoh ciau kan tum pei.

WWE (Wresting)

            By; RC Tuallawt

Leitlunah hin wresting tam zet a umih cu pawl lakah WWE, TNA WCW, RING of HONOR, NEW JAPAN POR Wresting, combat Zone Wresting pawl hi a lar pawl an si. Himi lakah WWE hin zohtu ngah bik le lar bik a si. Curuangah an sum lut khal a tam nasa. Kumkhat ih an sumlut hi $25m lenglo a si. Hi ruangah McMahon sungkua cu a nini in an lian sinsin. Cun annih hi sum hawl thiam zet an si hleiah promotion lamah phei cun UFC president Dana White in a tluk lo nasa. UFC hnakin WWE hin zohtu an neitam sawn tinak a si cu. Kan dung kumah zohtu tingkhat lenglo an neiih, khai Event kha tunai Sport Event lakih zohtu tam bik a rak si. Super Bowl, FIFA World Cup, UEFA Champions Leaque tvk.. pawl khal in an tluk lo hi a rak si. Pro Wresting hi mirang pawl in Combat sport kulh sungah an ret nan, WWE hi cu sport a si lo. Hmansehla an Game hi Sports thuaiah an ret tel tikah, cun sports channel ah tla an Live theu ruangah le sport News ah tla tarlan a si theu ruangah sports a si lo vun ti ngaingai le a theih si lo.
Vince McMahon hi daan le dun le rittheih sii lamah mi khohkhah zet a siih, a daan thlun lo tu cu vei 3 tiang cawlh ter an si hleiah sumpai tla a kuan ter theu. Kan dungkum July thla ah khan Roman Reigns cu rittheih sii ziang si maw a rak tham ruangah a veikhatnak hrang thlakhat cawlh ter a rak si. Vei 3 daan tat an si hnuih thlun thei lo tu cu fans pawl in duh zet hmansehla dimnak um riai lo'n cawlhter an si theu.
WWE ah hin HELL an tiih,(misual pawl) le FACE ti'n mifel pawl tin an um. Misual ihsin mifelah, mifel ihsin misual ih let aw cu TURN an tiih, sinak niam isin sang sawnih an khai soh mi cu PUSH/PROMOTE an ti. An thuanthu ngantu an umih, an results khal an rak ngan cia theu. An sualawk ding tikcu minutes tiang an rak ngan cia. Hmanseh a tul danih zir in an ngan cia mi khal an ti danglam ve theu. Championship taikhap cotu ding khal an rak ruat cia thluh. Hmanseh a cemnak ih thutluknak tuahtu cu Vince McMahon a si thotho. Sualawk lai canih thil danglam thlen ter can khal an nei ve theuih, referee in earphone a bum mi in an simih, mipi theih lo in a sim thup theu. Cun fans pawl hi an thupi zetih, patum tuklo si hmansehla mipi in an uarzawng le duhzawng a si cun world champion tiang an si ter mei.(eg. Daniel Beyan, Rey Mysterio, Aj Styces)
WWE tel pawl hin mai hmin ngaingai cu an hmang lemlo ti cu kan thei cio ko ding. WWE lut ding hin sualawk thiam hi a thupi bik loih, mirang tong nal zetih thiam hi a thupi nasa. Cun mipi lawm le duhzawng ih um thiam le taksa mawi khal a thupi nasa. Undertaker le Kene hi unau vek in um hmanseh, a ngaingai (aleng) ah cun unau an si lo. Cun himi ah hin lemcan thiam a pawimawh bik a si.

Tulai WWE ah hin WWE Universel Champion (RAW) le WWE World Championship hi title sang bik an si. Cumi sung in Sast Card(sang bik) UpperMid card(sangbik sangtu) Mid card(lailak) le Lower card(niam bik) ti'n an then salih, mipi ih duhzawng le cang dan thiam cu Card sangah an Push so vivo. Eg. Aj Styles cu mipi in an duh ruangah world champion an si ter mei. WWE hi Democracy ram vek an siih, mipi duhnak an thupit terih, lemcan cop sihmansehla mipi in an duh le huathloh zet cu lemcan thiamah an ngai.
Match hi referee in a control thluhih, thamawk dan ding tiang in a sim thup theu. Cun Cabuai, Tohkham tvk.. a phunphun an hman mi hi kuai awl dingih tuah mi le kuai zik cia tivek an hmang theu. Cun an thongawk ah hin thongawk ngahlo can tla an nei tam zet.( Youtube ah zoh ding a tam) WWE daan ah cun tuahmawh aw pang lole hliam tuar pang tivek an um khalah puai hi ti tawp,(cawlh) ter lo'n peh vivo ding a si. August 2015 ah khan Rollins cun Cena i hnar ah a khup in a do ngah pangih, thisen nasa zet in a suak nan referee in cawlh ter lo'n puai a peh ter vivo. Sports dang Football, Boxing tivek ah cun Referee hi kutthlak cu sim lo ttongkam mawi lo hman ttong khum sian a silo. Hmanseh WWE ah cun a si ve lem lo. Cun Weigat an thleidang cuang loih, patum zet le patum lemlo khal an beihawk ter mei.

2009 hlanah cun zohnuam bik ding in thisen hmuh ding a um phahphah, hi hi a thisen lem( blackjob) an hmang nan nauhak zohtu an neihtam vivo tikah McMahon in hman a siang nawn lo. A teltu pawl hi a kum tel in ring sungih an canvaih daan ding le an ttong dan ding tiang in an rak zir cia ih, naa lo bik i tham awk ding le naa zetih lang ding in an rak zir cia nasa hi a rak si.