HARHDAMNAK

                By. RC Tuallawt
KUVARAH (ကြမ္​းသီး)
Keisa, tiisa, siiti tvk kang ruangih a um theumi hmasii um lo ding le a hlanih kan vun kelte vekih um ding in (a hma a dam zik hrawngah) Kuvarah kha Tanakhaa rawtnak lungah rawt awla a tii kha a malbik nikhat vei 3 culh (hnih) ttheu aw. Cuti na tuah a sile hmasii nei lo in a hlanih na vun kelte vek in a um ding.

TANPHAYATI (သံပုရာသီး)
Ziangvek in na lu a naa, ziangvek in na lu a zing a va si hmanah mirang sii ei ttul lo in, Tanphaya in awlsam ten a dam ter thei a si. Tanphaya kha a lai in phel awla, na phel mi kha na cal ah na rawt (hnih) awla na lu naa a dam ter thei ti na thei ding. Tanphaya ah hin a dai mi dat a umih, a rim in thluak a harhvang ter ruangah lu naa a dam ter thei a si.

DAWNFAWH (ဖရဲသီး)
Dawnfawh a cut tikcu kan thleng lala zik. Dawnfawh kan ei tikah a thawtnak bik a sung sen lawng kan ei ih, ka pil (a sa rannak) kan hlon mei theu. Hi a sa rangnak hi taksa rihnak tlaniam pawl (Kg tlaniam) hrangah hlon sian lo ding mi thil a si. Cun kan taksa i a ttulmi Keluri a khawl lawng si lo in, Tiidai dat tampi a um bet fawn a si.
Thisen sang neitu hrangah si seh, thisen mal hrangah si seh thisen punghman i a um theinak dingah tampi a bawm a si. Cuhleiah Kaileng a damcah terih, zin thawhnak lamzin a thianfai ter ruangah zin thawh a nuam ter. Phayeti a sa rang hin nathrik do theinak dat a neih ruangah Dang sung, Rilpi, Pumpi, Nauin khensa natnak rak do in natnak suak ding a mal ter a si.
Cun Phayeti a sa rang hi rawl hmeh khalah tuah theih a si. Tihang (ဟင္​းခ်ဳိ) ah siseh, hranghnah dang thawn tuk (သုပ္​) khal in siseh a thaw zet a si.