MALAYSIA IHSIN KCP CUP HRANGIH SUMPAI KUAT MI THLENG ZO

KCP member Malaysia ih um Salai Mang Bawi le Salai Vante in KCP Cup hrangah tiin Ks.50000 veve an run kuat mi, sumpai tingkhat (ks.100000) cu Game Hruaitu-pawl kut a thleng fel zo.

Tuizing Sep.20.2018(Thursday) ah KCP Game Secretary Salai Van Thawng Lian le KCP Tlangau lam ihsin Salai Bawisiamthar in Khampat No.(1) ah an va suah ngah zo a si.

KCP Cup (Bawhlungsit) thok hlan ihsin an rak sponsor zo mi a si nan hmun hla deuh ih um ansinak ah sumpai run kuat remcang thei lohli loin an um. Ziangtlukin miphun an duhdawtih an ngaihsak timi cu an tuah mi in a langter, tlangval fel, zohthlim tlak zet an si. Ram le Miphun khawtlang hrangih mi țangkai si thei vivo dingin Pathian in thlawsuah pe hram seh!

Salai Țha Tin Ceu Thawng Tla

KCP Game hruaitu pakhat Salai Țha Tin Ceu cu amai bulpak innsang hrang ih khawl thaw ih thing a ah mi cu kan dung reipi zo ahkhan cozah tuanvo neitu upa lam in a kai. Cui thu thawn pehparaw in Tamu ah Zung Ching rero a si hnu ah Sep.18.2018(Tuesday) ni ah a thu relfel asiih Thlakua sung thlawng tla ding in rel a si.

"Hitivekin kan KCP Game hruaitu, C Group ih Committee pakhat a si mi Salai Țha Tin Ceu thawng a tlak cu poi kan ti zet. Bawhlung sit lehnak neih rero lai a si fawn ih amah hi Referee rintlak, fel le thiam zet a rak si thawn kan puai cem hlanih thawng in tlak san hi cu kan thin a nuam lo kan tuar zet a si" tiin hruaitu pakhat cun a rel.

Ziangkhal lole Pathian remruahnak parah țhumaw phot sehla a nupi fanau (innsang) lam khal Pathian in hnem in kilveng hram hai sehla amah khal dam le lungawi tein thawnginn ihsin a suak sal theinak dingah thla za camsak cio uhsi.

KCP CUP THOK ZO, SPONSOR UM BET VIVO

2018 KCP FOOTBALL CUP (Bawhlung Lehlaunak) cu Sep.13.2018 zanlam 3:30pm ah KCP GAME HRUAITU-PAWL ih kaihhruainak thawngin , Khawtlang hruaitu hrekkhat, KCP Hruaitu-hrekkhat le Khawsung upa-pawl thawn tluangten thawh a si zo ta.

Puai thawh tlai ahhin Sponsor a um bet vivo ih a lungawi um nasa. Sponsor-tu le an sponsor zat-pawl cu a hnuailam vekin a si.
1. Pa Thara ks.5000( lekthiambik hrang)
2. Pa Biak Nawl Ks.22000 #Lek thiam hleice-pawl (Ks.22000)
3. PA Pak Hre (Ks.10000)
4. Pa Dun (ks.5000)
5. Salai Lal Rin Pui (ks.5000)

"Pathian zarah kan KCP khal kum hra sung ke a kar ve rero zo ih, tui kum vekih Sponsor-tu kan neih hi a um dah lo. Pathian thlawsuah kan dawng nasa, miphun duhdawt dan kan thiam vivo, a lungawi um tuk rori. Hitivek ten ke kan kar tlang vivo thei asiahcun kan KCP cu tum suk lam siloin thanso lam kan pan deuhdeuh rori ding. Ziangtin kim tawlrel a nuam ih hruaitu siseh, mipi zozo khal kan phur in kan tha a tlung tuk lawmmam", Tiin Game Vice-President Salai Țha Tin Ceu cun KCP TLANGAU fehtlang in a sim.

Sponsor-tu pawl sumpai hlanawknak khal Bualrawn ah neih cih asiih a hnuailam ah zukpawl tla zoh theih in a um a si.

Sponsor-Pa Thara

Sponsor- Pa Biak Nawl

Sponsor - Pa Pak Hre

Sponsor - Pa Dun

Sponsor - Salai Lal Rin Pui

SALAI HAWL THANG IN KCP CUP HRANG SUMPAI A SPONSOR

Khampat No.(3) ih um Salai Hawl Thang cun 2018 KCP bawhlung lehlaunak hrangah tiin sumpai ks.30000 a sponsor a si.

Tuini Sep.13.2018 ah Amah Hawl Thang in KCP Game Hruaitu-pawl hnennak hlannak a nei a si.

Pathian zarah miphun duhdawtnak thawn sponsor tete kan um vivo ruangah 2018 KCP Football lehlaunak Laksawng khal a hnuailam vekin ti danglam sal a si.
A pakhatnak :
 Ks.70000 le belpi(Khap10)
A pahnihnak : 
Ks.50000 le Belpi (Khap 10)
A pathumnak :
Ks.40000 le Belpi (Khap 9)

#Hminsin : September.13.2018(Thursday) Tui' zanlam 3:30pm ah Puai onnak neih ding a si. KCP member zozo khal lungrual ten, Bualrawl lam pan in kan pok cio pei uh! 
#Tuizan lektu ding:
AGroup (A Team) vs BGroup (A Team)

RAMDANG(China) IHSIN KCP CUP HRANG SPONSOR MI THLENG FEL ZO

KCP Bawhlung sit (Lehlaunak) laksawng hrangah tiin China ram Guangzhou khua ih a um mi Mai Zabiak Mawi @MawiMawi ( Pa Conkip Thang le Nu Hrang Hlei Dim tei fanu) cun Ks.100000 (tingkhat) a sponsor a si.

Sumpai khal tuizan (Sep.11.'19-Tuesday) ah a thlengih Sponsor-MawiMawi aiawh in a pa Con Kip Thang in Game Hruaitu-pawl hnenah hlannak a nei a si.

Hitivek in kan miphun(KCP) duhdawt le ngaihsaknak langter ih Sponsor-tu parah kan lung a awi tuk. Nan tuah nan tuannak ah Pathian thlawsuah dawngtu si vivo hram uh tiah duhsaknak kan lo hlan.

#Hminsin: Malaysia lam ihsin Sponsor mi khal Sumpai a ra thlen veten kan run post sal ding a si.

KCP CUP HRANG SPONSOR UM BET VIVO

KCP Cup (Bawhlung Lehlaunak) hrangah tiin Dr.Van Rum cun Belpi (khap10) le sumpai ks.50000 a sponsor a si.

Tuizing Sep.10.2018(mon) ah Dr. Van Rum ih a sponsor mi cu KCP Game Vice-President (Salai Țha Tin Ceu) le Treasurer (Salai Van Biak Thang@Pate) in lungawi ten an cohlang a si.


#Hminsin: Kan KCP members ramdang um mi hnen ihsin a thu in  Sponsor-tu an um zo. Neta le remcang hmaisabik ah an hmin, an umnak le an sponsor mi (a zat) felfai zetin kan run tarlang sal ding.

KCP CUP HRANG SPONSOR UM BET

Kan KCP football lehlaunak hrangah tiin Pa Isaak Lal Biak Zul (Pu Lalpianglian le Pi Nawlmen tei' fapa nautabik) in Goal ban dunglam ih zar ding mi Paih (net) a sponsor a si.

Tui ni September,9.2018 sun ah KCP Game Hruaitu-pawl hnenih a hlan mi sumpai ks.20000 cu lungawi zetin cohlan a si. [ Paih (Net) leinak ding hrangah ks.20000 in a daih lo asile a țul zat in rung sim sal uh tiah Sponsor-tu cun a sim fawn a si]

Salai Țha Tin Ceu in Bulpak Thiamhleice hrang lawmman Trophy mawi zet a rak sponsor zo ih, tu ah Isaak in Paih a sponsor ve sal hi a si. A lungawi um in a ropi nasa, Puai thlen lohli ding khal a hngakhlap um sutsi. Hmailam caan khalah Sponsor duhtu pohpoh hrangah KCP cu kau zetin a awng aw ringring lai a si ti kha in rak theihsak hram uh! Tiah KCP hruaitu pakhat cun a sim.

#Hminsin: September 17,2018 tlai ah Bawhlung sit lehnak thok ding timi kha Zi Puai Raw bualrawl ah an tuah theisal lo ruangah Sep.13
'18 (Thursday) zanlam ah puai awnnak neih sal ding a si tiah, Game Hruaitu-pawl hnen ihsin KCP Tlangau Media in thu kan dawng.

KCP BORUAK UPDATE

(Bawhlung Sit Thok Zik & Lawmman Hrang Sponsor Um Zo)

Awle, Kum 2018 khal kum dang vek thotho in KCP in Bawhlung sit Lehlaunak nei sal dingin Game Committee cun a tawlrel zo. Kan hmai  September 17.2018 ah khin lehnak cu thawh thlang ding a si.

Tuikum khal Group A,B,C ihsin team(2) cio (zaten team-6 ) suah sal ding asiih, laksawng hi pathumnak(third prize) tiang a um ding. Laksawng umtudan cu A pakhatnak Ka.50000, A pahnihnak Ks.30000 le A pathumnak Ks.20000 pawl tla an si. Cuitlunah bulpak ti tha (thiam hleice) hrang khal laksawng a um fawn ding a si.

A hleice in tuițum ah Salai Țha Tin Ceu in Bulpak ih titha, thiam hleice ( goal thun tambik) hrangah tiin Trophy mawi tak mai a  sponsor ih Sep.5.'18(wed) zan ah  KCP Game President (Salai Lal Biak Ceu) le Secretary (Salai Van Thawng Lian) hnenah hlan in a um zo.

"Hitivek te'n țanrual le thapekawk kan thiam vivo asile kan miphun (KCP) hi a thazang a cak vivo dingih miphun dang lak khalah ningzak lo le hmaihngal takin ke kan kar vivo thei ding a si. KCP in thil pakhatkhat a tawlrel ih a buaipi tikah mipi (hmun dangdang ) hnen ihsi khal kan ti thei tawk thazang peknak tongkam simaw sumpai lam in simaw kan rak tel ih țan kan rak lak ve tikah hruaitu-pawl hrangah a phur-um ih tha a tlung thei nasa. Curuangah hmailam kan feh vivo nak ding khalah Sponsor tivek khal hi kan uar sinsin thei sehla a duhum zet", tiin KCP hruaitu pakhat cun a sim.

USA IHSIN K.C.P AH SUMPAI KUAT MI HLAM NGAH ZO

KCP siat ni/ that ni le a țulțulnak ih hman ding hrangah tiin USA ih um Joseph Luai in sumpai a run kuat a si.

Tui ni September 4.2018(TUE) zingah KCP(Central) Vice-President (Salai Za Biak Lal) le Treasurer (Salai Bawisiamthar) in sumpai cu (KBZ bank) Kalay ah tluangten an va hlam ngah zo a si.

Hiti vekin miphun duhdawtnak  lungthin thawn KCP ih sumpai a run kuattu Joseph Luai hi zohthim a tlak nasa.. a parah KCP kan lung a awi tuk. Pathian in a nunnak ah le a tuahtuannak tinkim ah thlawsuah in, malsawm vivo hram seh tiin duhsaknak kan hlan a si.