SALAI THA TIN CEU A ZALEN ZO

Salai Tha Tin Ceu, 

(KCP Game hruaitu, C Group Committee pakhat) cu Thawng a tlaknak ihsin tuizing October,4.2019(fri) zinglam 10:40 ah suah a si, mi zalen a si zo.

Tamu ah အခ်ဴပ္ in ni 4, ေထာင္ah in 75 cun ရဲဘက္ah in 301 ka um  ih a zaten kom in,Ni 380 ka rei a si. In kai hruaitu Pathian thangthat in um seh. Tiin tuini ah messenger fehtlang in KCP Tlangau hnenah a sim.

Hitivekin kumkhat tha lai thawng a tlak hnu ah damten nupi fanau le mai' khua le ram ih a ra suak sal hi a lungawi um taktak a si. Tu ihsin hmailam ah innsang pumcawmnak ih a hnatuan ah hlawhtling sehla, Miphun hrang khal ah mi thahnem si vivo sal hram seh tiah KCP Tlangau hmin in duhsaknak kan hlan a si.

KCP TLANGAU INTERVIEW WITH MAI JULY NUAM

(KCP in Zirsang, Mithiam A Neih Mi, Mai July Nuam Tonsuhnak)

1. KCP Tlangau thawn suhtonnak (interview) tuah kan lo duh ih, a rem cang thei pei maw?
NuamNuam - Rem cang ee.. lungawi um tuk ee, cuvek lamlam ka ruah ban lo mi pi si.

2. Na hmin pum theih kan duh ih, in sim thei pei maw?
NuamNuam - Aww ka hmin pum cu Za Biak Nuam a si ih NuamNuam tin in ko.

3. Na nulepai hmin teh zo an si?
NuamNuam- Ka pai' hmin cu Pastor Haggai Thang Tin Zam a si ih ka nu hmin cu Nu Ngun Nei Sung a si .

4. Ziangtik kum ah na suakih, tuah kumziat na kim ve thlang?
NuamNuam- 6.7.1999 tlawngkai nihnih ni ah ka suak ih, kum 20 ka kim ve thlang .

5. Ziangtik kumah phunhra na rak ong ih distinction paziat na ngah?
NuamNuam - 2013-2014 cazir kum ah စခပ - 8 in phun hra ka rak ong ih Distinction cu Subject 2 ( Chemistry le Biology ) ka rak ngah .

6. Phunhra na on hnu ah, khuitawk tlawngah saw na zir peh?
NuamNuam -Phunhra ka on hnu ah University of Nursing , Mandalay ah ka zir peh .

7. Na zir mi subject teh zianglam saw?
NuamNuam -Ka zir mi hi Nursing (သူနာျပဳ ) lam a si

8. Tu naite ah khan Degree (buaih) na la ti kan theiih, ziangsaw na buaihngah mi hmin teh?
NuamNuam -Aw si, ka buaih ngah mi cu Bachelor of Nursing Science (B.N.Sc ) si ih Credit thawn ka ong.

9. Cozah hna na tuan peh cih titla kan theiih, khui ah na tuan?
NuamNuam -Aw Pathian zangfah in ka peh cih thei ih , tu hi Mandalay General Hospital (မနၱ​ေလး အ​ေထြ​ေထြ ​ေရာဂါ ကု ​ေဆးရံုႀကီး) , Medical Unit (1) ဖ်ားနာကုသ​ေဆာင္​ (၁ ) ah ka tuan rero lai .

10. Na hna tuan mi teh ziangsaw a si?
NuamNuam -Tu ka tuan mi hi Trained Nurse (သူနာျပဳ ဆရာမ ) a si.

11. Thlahlawh(Salary) teh ziangzat saw?
NuamNuam- Thla hlawh hi 198000 kyats  si ih ၀တ္​စံုစရိတ္​ hi. 2000 kyats စားစရိတ္​ hi 20000kyats  tin kan ngah ih a zaten kom cun 220000kyats a si .

12. Khampat lam ah teh thin(transfer)awk teh na beisei maw?
NuamNuam -Awww Pathian in rem a ti si le cu thawn( transfer ) cu ka duh tuk ee. Mai suahnak khua ih Sayama tuan ding cu ka tlawgkai lai ihsin ka rak ruat cia rero zo mi si .

13. Tu ih na lakzo mi tlunah teh zirbet na tum maw?
NuamNuam -Awww.. Pathian zar ah damten um si le cu zir bet vivo cu ka tumtah mi si. Zir bet dg mi hi Speciality ( 9 months ) , Master , Ph.Dtiang a um .

14. Damsung koppi pasal ding teh thuhla a um zo maw?
NuamNuam -Hehe cu mi cu thuthup si.:-P :-P

15. Ziangveksaw pasal dingih na mi uarzawng in sim thei pei maw?
NuamNuam -Aww a hmaisa bik ah cun Pathian zumtu leh tihzahtu a si ding, cun keimah lawng si lo in unau sungkhat pawl khal duhdawt thiamtu, innsang kilkhawi thiamtu , a cangthei sile rit theih thil thamlotu si pei. :-D

16. KCP hnenah thucah duh na nei maw?
NuamNuam -Awww hmaisabik ah keivek zianghman si lo tla hi vek thusuhnak in neihnak parah ka lungawi. Thucah rel ciamco ka thiam lo ih malten ka thiam  tawk ten ka rel pei. Hmaisa in ka sim duh mi cu ca tampi siar dg hi a si. Kan nih laimi ( a hleice in- kan KCP ) pawl hi zoh sehla ca siar kan daithlang ngaingai in ka hmu. Kan leilung tlun a thangso mi ram le miphun khi zoh sehla casiar paih le ca siar tampawl lawnglawng an si. Curuangah casiar hi zangzel hlah uhsi .Ziangtin ca siar kan thok ding tilen thutthimnak ah thlakhat ah cabu pakhat tal ka siar dg tin tumtahnak nei sehla kumkhat ah cun cabu 12 kan siar theh ding. Cuhnakih tam siar thei le cu tha sinsin . Tulai cu online san a si ih cabu lei rero ttul lo in mah siar duh mi mi ca kha online ah smart phone pawl thawn siar theih a si thlang . Cuvek thotho in kan thlarau lam thansonak ding hrangah Baibal khal nitin ten siar ding in ka cah duh. Pathian zumtu fate kan si bangin Baibal siar hi daithlang hlah uhsi.
Cutin leitlun lam ah siseh thlarau lam khal ah a thang so sinsin mi kan si thei ding .

17. KCP sungah hivek mithiam le cozah hnatuan kan lo neih hi kan hna a ngam in kan lung a awi tuk..
NuamNuam -Kei khal ka lung a awi zet .

18. Kan suhton (interview)nak in cohlan ruangah kan lungawi.
NuamNuam -Kei tla ka lg awi
KCP members  nan zate par ah Pathian thlawsuah nak thleng hram seh .

A SUAK CING DING

“Pathian Sunlawihtu Mino” timi Music Video, Khampat Revival Baptist Youth Ministry ih tuah mi cu a rei hlan ah a suak cing ding.

    Hi Album sungah hin hla fing (14) a um, Group song hla(1), Male-Voice hla(1), Trio hla(1), Duet hla(1) le Pakzai hla(10) tiin sak asiih, hla phuahtu le saktupawl hi KRBYM members-pawl an si. Cun, Music&Studio hi 3Amen asiih, Camera-man le Video Editing tuahtu cu Paradise VT Thang a si. Harmony saktu hi KRBYM le Mai Thian Nei Thiam an si. Tui 2018 kum December thla sungih suah thei an beisei thu le DVD pakhat ah ks.1000 a si ding thu KRBYM hruaitu pakhat cun a rel.
        Hitivekin kan KCP sungih Kawhhran mino in Music Album tuah theitu an um hi lungawi um za le hngakhlap-um za ngaingai a si. An Music Video a ra suah tik khalah thazang pe in kan rak lei sak cio pei uh tiah KCP Tlangau hmin in kan sawm aw a si.

SWEET DECEMBER LIVE CONCERT KHA

By, Salai David Suisan Thawn

Kan tuah dah lo mi Sweet December Concert tla tuah asiih, a ni Dec.1-2.2018, zaan hnih hman a si.
Puanzar: Dunglam puanzar ah “Chin Nun Mawi” tiin ngan a si.

Hlasaktupawl: Rampum huapih hlasak zuamawknak ah mipi theihhlawh zet kan Chin-mi Dika, Fred, John Thanga, Laldinthari le kan Chinram siseh Chinrawn khalah “Ka feh mai ko ding” hlafing thawn dengsuaktu Jh Thang pawl tla an si. Zaihla thawn mipi in hun awi taktak mai cu, mipi kan ummen thei nawn lo a sii bik kha. Fred le Dika in “Dawthniang kan hngak ko” ti an hun sak hi cu mipi kan zur duahdo hi a sibik mai. Nonawn Band khal kan duaice lo tiin, Dr. Vanro Piang, Salai CungAung, Salai Zaithangmawi le Mai Lal Biak Hnem khal turu leh thiam takin mipi an awi ve. 2017 K.C.P Singer Star Mai Zung Iang cu remcan lonak ruangah mipi hmaiah a lang thei loih, hmailam caanah lang thei vivo a beisei um zet.

Awnmawi: Awnmawi tumtu hi Nonawn Band ansiih, mipi hmaiah voihnih an show-nak a si. An thiam in ngai a nuam nasa.

Hla laam: sawm an si vekin KFPTP in Asher tuanvo tuan in hla laam mawi te Chin Nun Mawi le Vapual laam an hun laam cu ka zoh khop thei lo sibik mai.

Announser: Salai BawiBawi le Mai Linda khal an thiam in mipi an cok tho thiam nasa.

Khuallian: Awnmawi khawvel ah 1982-1987 hrawngih Khampat le a sehvel ih rak lar zet Lairawn Par Music Group le Zamzo Music Group cu Khuallian ah sawm an si. A hleice in Lairawn Par ihsin Lead Guiterist Salai Biaklawm Zual le Zamzo ihsin Drumer Pu Vanthanpuia cu Musician pabik dinhmun in sunlawihnak upat langternak ah parthi orh ter an si. Thazang peknak thutawi simnak an neiih, Zamzo Group in Kutken Nonawn Band ah hlannak an nei fawn.

Video Live: Hi Concert tum ih a sunlawi hleicetnak cu Seven Cable Network in an tlawmngainak rori in Tahan ihsin an ra ih, an Chanal ah Live an pe suak hi a si. Khaw dandang ihsi an rak zoh ve thei hi a sunglawi hleice. Culawng siloin, KCP Tlangau Facebook Page khalah Live thlah asiih, ramsung/ramleng ih a um mi, a hmun ih zoh ngah ve lopawl hrang khalah Live an rak zoh ngah thei hi an di a riam ve zet ko ding.

Thunet: 2018 Sweet December Concert cu nuam tlang zet in kan hmang liam ta ih, thazang petu, a rak thlirtupawl nan zate parah lungawi thu kan sim a si.
Hminsin: “Nonawn Band” hi Chin Nun Mawi tertu a si vivo theinak dingah fakselnak hi kan thlalang pakhat a si.

MIPHUN IH KAN TUL MI

By, Sunthang Tlangval

Tuisun ni tiang Pathian lamhruainak in kan miphun tla khuasa thei le cangvai thei in kan um hrihlai ih leitlun ah miphun cu tam zet kan um ko, cumi lakah kannih falam miphun te hi kan Bawipa in dungtun sianglo le tan sianglo ten in kilkhawi hrihlai tla hi a sunglawi tukmi a si. Cutin kan miphun sungah innsang dangdang, unau, sungkhat bang awlo celcel in kan rak um cio. Pathian in lam in hruainakah kan miphun sung ihsin hruaitu hmangin lam in hruai. Cui hruaitu pawl cun kan miphun thansonak ding le cangveih dan ding ziangtinkim cu ruatrel phahin an tlin dan tawk ciarin miphun cu a kaihruai theu asi. Cutivekin kan miphun hi a thansonak dingle lungrual zetih ke kan kar khawm theinak dingah kan miphun hin tulmi tampi kan nei asi. Cui tulmi tampi kan neihmi lak sung ihsin a huailam ih thupi(2) hmangin zohtlannak kan nei ding.

(1)Fimthiamnak a neitu mino
 Fimthiamnak timi hi thil thupi zetmi a si. Cule fimnak le thiamnak hi bangaw vekih lang a sinan bangawklonak te an rak nei asi. Fimnak timi cu zir rero ruangih neihmi a silo ih Pathian ih in pekmi ka suahkeh pi a rak si. Tahthimnak ah a suahkeh ihsin mi banglo ih a suak pa cu ziangtlukin zir rero khal sehla zohman in cu pa cu mifim tiah kan ko lo ding. Cuvekin thiamnak timi cu kan nui'pumsung ihsin kan suahkeh pimi a si velo thung, thiamnak cu kan zir rero nak ihsin kan neihmi a rak si. Tahthimnak ah mipahnih cu nui pumsung ihsin suak ve ciocio siin pakhat cu tlawngkai lole caa zianghman zir dahlo in a um ding, culaiah pakhat sawn tu cu nauhakte a silai ihsin tlawngkai in le caa tampi a zirsuak tikah cupa cu caa thiam/thiamnak neitu tiah kan ti ding. Asinan tlawngkai lole thiamnak caa a zir dahlo tu pa cu zohman in caa thiam/ thiamnak neitu kan ti dahlo ding. Mino timi cu kan cahlai, kan mawilai, kan ruahnak a kauhlai, thu kan hminsin theilai, kan thluak a thatlai, kan vanglai, etc. pawl tla hi an si.Kan nolai caan hi duhvek ih kan cangveih thei caan le kan duhmi ka tuah theilai caan a siih kan upat hnu cun kan thinlung ih a duhmi khal tuah thei nawnlo caan a thleng leh ding asi. Kawhhran ah siseh Pathian tihzahtu mino kan tul bangin kan miphun khalhin mino tha kan tul asi. Fimthiamnak a neitu mino hi kan miphun in kan tul zetmi asi. Kan miphun sungah fimthiamnak a neilo mi mino pakhat in peaw zetle taima zetin hna a tuan ih miphun in hruai tikah kan miphun hi kan thangso lo ding maw? tiah thusuhnak a um. Mino pakhat in a tlin tawkte le taimak suahin miphun in hruai tikah kan thangso ko ding na'n cuhnakih a tha sawnmi le a thupi sawn mi, fimthiamnak a neitu mino in miphun a hruai tikah tuhnakih nasa sinin kan miphun kan thangso ding asi. Bible sungih kan hmuhmi Paul le Peter ih nunak kan zoh tlang hnik pei. Peter cu Jesu hmutu tulai tawng kan hmang sile ''live" rori a hmutu, amah thawn um tlang, rawl ei tlang, cutin cann hmang zotu a si. Culai ah Paul cun Jesu cu a mitin a hmulo ih rawl khal an ei tlangin an um tlang dahlo. A sinan kan Bawipa in a rawngbawltu ih a hman veve nakah hin fimthiamnak a nei lemlo tu Peter hnakin fiamthiamnak neitu Paul kha a hman dan a nasa sawn asi. Bible sungih thuthlung thar cakuat pawl kan zoh tikah Peter cakuat ti hnakin Paul ih caa kuat, Paul ih caa kuat ti ringring a sikha. Pathian in a hang thei veve ko nan fiamthiamnak a neitu Paul cu Peter hnakin a 'Area' a kau sawn ruangah Pathian ih a hmannak a nasa sawn a si. Curuangah fimthiamnak a neitu mino tha hi kan miphun in kan tul zetmi asi. Fimthiamnak a. neitu mino kan suah vivo theinak dingah nule pa pawl khalin kan fate hnenah thazang pe in zuam cio uhsi!

(2)Miphun duhdawttu
 Duhdawtnak timi hi thil ati thei zetih mi ngaidam theinak khal cui duhdawtnak thotho ihsin asi. Cule misual zet mitha ih tuahtu khal duhdawtnak thotho asi. Duhdawtnak hi a thlum ih hmual nei zetmi khal asi. Duhdawtnak tawngkam cu ngai a nuam ih mi thinlung khal a neh zet fawn. Kan Pathian khal leitlun misual a duhdawt tuk ruangah a fapa neihsun in pe asi kha. A fapa tiang in pek duhnak san cu cui duhdawtnak thotho ruangah asi. Cutin kan Pathian in in rak duhdawt zo bangin kannih khal duhdawtnak kan neih ding hi a duhmi a si. Cule kan duhdawt mi pa/nu par ahcun kan thin a sau ih a hrangah cun kan peaw thei zet fawn. Cubangin kan miphun in miphun duhdawttu hi kan tul zetih mi pakhat in miphun a duhdawt tikah miphun hrangah a pum peaw dingih theitawk suahin hna a tuan ding asi. Cutin tu hnakih nasa sin in kan miphun hi a thangso dingih midang khalih cawn tlak zetmi miphun ah kan suak ding asi. Curuangah kan miphun in miphun duhdawttu ngaingai a tul asi. Miphun a duhdawttu cun miphun hminsiat ding le tumsuk ding cu a siang hrimhrim lo ding. Miphun duhdawttu si zuam vivo cio uhsi!

KHAMPAT FALAM PHUNSANG TLAWNGTA PAWLKOM

KHAMPAT FALAM PHUNSANG TLAWNGTA PAWLKOM
(Dinthoknak le cangvaihnak pawl)

Khampat Falam Phunsang Tlawngta Pawlkom (KFPTP) hi dinsuak si ding in  saduhthahnak kan nei ih October 3, 2016 ni ah kan saduhthah vek in  Salai Van Bawi Nei Thawng tei’ inn ah Khampat sungum phunsang tlawngta mipung 21 tawngaw khawm in Nazi 7:20pm ah kan zate lung kim in din asi. Kan  dinzaan ah Salai Lal Lian UK in Chairman a tuan ih Salai Run Uk Mang in minute a ngan, hruaitu (OB) hrilnak khal kan nei cih.
Hmuitin mi pawl-
Zirnak lamah tha pe dingin.
Zirnak lamih Fellowship nak ah tha pe dingin.
Calai lam ah tha pe dingin.
Kan miphun sung in ttonglam (Kawlttong, Mirangttong) harsatnak tong an um a si le a tul daanvek ih bom ding-in.
Miphun sung tthanso nakah tha pe dingin.
Thisen hlut ttulih kan pawlkom in theih tar asiahcun  a ttul dan vek ih hlu dingin.

2016-2018 sung hruaitu (OB) ttuan tu pawl-
President - Salai Run Uk Mang
Vice President - Salai Van Ram Lian
Secretary - Salai Van Bawi Nei Thawng
Assistant Secretary - Salai Lal Hrin Thar
Treasurer - Mai Lal Than Mawi
Join Treasurer - Mai Sui Dim Mawi
Adviser - Rev. Van Hlir Mang

2016-2018 sung cangvaihnak pawl-
31 December 2016 niah Khampat Chin Pawlpi (KCP) ih pi le pu kan neih mipawl vehvaihnak kan nei.
12 November 2017 niah Khampat Baptist Church ah Goepel Team tlawnnak kan nei.
Khampat Chin Pawlpi(KCP) ih sawmnak in 20 February 2018 ni ah Chin National Day(Tamu) ah hlalaamnak thawn kan tel pi.
1 December 2017 niah Khampat  Falam Pastor Pawlkom(KFPP) sunlawihnak kan nei.
28 October 2018 niah Khampat Revival Baptist Church ah Gospel Team tlawnnak kan nei.

Tuikum (2018) ih OB thar pawl-
President -  Salai Van Ram Lian
Vice President - Salai Van Ram Hngak
Secretary - Salai Van Bawi Nei Thawng
Assistant Secretary - Mai Van Biak Rem Sung
Treasurer - Mai Sa Lian Cuai
Auditor - Mai Lal Than Mawi
Adviser - Rev. Van Hlir Mang, Pa Biak Hlawm Zual, Pa Run Uk Mang

Member List
No
Hmin
Major
Year

1
Salai Van Uk Thang
Geography (day)
1stYear

2
Salai Van Thawm Thang
History (Constant)
1st Year

3
Salai Van Ram Lian
Physics (Day)
Final (Theh)

4
Salai Van Ram Hngak
Geography (day)
Final

5
Salai Van Nei Bik
 History
Graduate

6
Salai Van Bawi Pek
History (Day)
1st Year

7
Salai Van Bawi Nei Thawng
cu
3rd Year

8
Salai Tluang Tin Ceu
Geography(day)
2nd Year

9
Salai Sui Rin Thang
maths(Constant)
1st Year

10
Salai San No Piang
myanmar(Costant)
1st Year

11
Salai San Biak Ceu
Law
Graduate

12
Salai Run Uk Mang
english(day)
Graduate

13
Salai Mose Thang
Geography(day)
2nd Year

14
Salai Lal Than Mawi
English(constat)
Graduate

15
Salai Lal Nei Cung
history(constant)
1st Year

16
Salai Lal Lian Uk
MP TU
Graduate

17
Salai Lal Hrin Thar
Chemistry
Graduate

18
Salai Cung Lian Mang
english (Day)
2nd Year

19
Salai Cung Lian Awi
history(constant)
2nd Year

20
Salai Cung Awi Thang
philosophy(day)
1st Year

21
Salai Cuai Lian Cung
တိကု
2nd Year

22
Salai Biak Hleih Thang
Geography
2nd Year

23
Salai Biak Hleih Sum
Law(cosntant)


24
Salai Bawi Tha Thang
Geogology(day)
 1st Year

25
Salai Bawi Lian Thang



26
Mai Zung Tin Tial
history(constant)
Graduate

27
Mai Zai Cer Cin
Chemistry(day)
Graduate

28
Mai Za Biak Nuam
NURSE
5th Year

29
Mai Vel Nei
English(constat)
3rd Year

30
Mai Van Ruat Mawi
maths(day)
2nd Year

31
Mai Van Rem Nuam
history(day)
3rd Year

32
Mai Van Nei Zing
history(constant)
1st Year

33
Mai Van Lian Sung
Geography(day)
3rd Year

34
Mai Van Hnem Sung
history(Costant)


35
Mai Van Biak Rem Sung
 Geography(day)
3rd Year

36
Mai Van  Hnuai Thluai
Physics(day)
Graduate

37
Mai Tuan Neih Sung
EC TU
6th Year

38
Mai Taun Kip Cer
Physics(day)
2nd Year

39
Mai Sui Len Cer
Maths
2nd Year

40
Mai Sui Dim Mawi
Chemistry(day)
Final

41
Mai Siang Hleih Dim
Geography(day)
3rd Year

42
Mai Sarah
Chemistry(day)
2nd Year

43
Mai Sa Lain Cuai
Geography(day)
3rd Year

44
Mai Ram Lian Cer
Geography
Graduate

45
Mai Mi Mi Mawng Sui
Chemistry(day)
Final (Theh)

46
Mai Lal Neih Sung
Physics(day)
Graduate

47
Mai Grace
maths(day)
2nd Year

48
Mai Cung Sin Cer
English(constat)
3rd Year

49
Mai Cung Rem Dim



50
Mai Cung Dim
philosophy(day)
3rd Year

51
Mai Cuai Lian Sui
Chemistry(day)
Final (Theh)

52
Mai Lal Than Mawi
Physics(day)
Final (Theh)

TUAR THIAM A HAR

By, RC Tuallawt
Hi tin ka ruat \heu, 'leitlun ah hin ra suak sal bang sehla,nangthawn tawng aw sal sehla,hmanseh țhen aw nawn lo ding in' tiin. Tu ah cun na lungawinak cu ka lungawi lo nak bik a si tihi na theithiam ve ngai pei maw? Ka umhar hnemtu na si laiah ka um ti har tu men na rak si ding ti hi ka rak zum ban lo. Nang lo hngilh hi ka țul bik a si ding ti hi rak thei cia ningla maw....... Ka thinlung cuai ka thlai ih, 'lo fehsan maw țha ding,duhthu lo sim' tiin ka ruat. Thu ka bawtcat har tuk a rak si ding.. tu ah i feh san sawn si. Hngilh ding cun i fehsan hlah ka lo ti rero kha aw..... Na ca kuat a si phawt cun "feeling sed" hman ka rak lungawi pi zet lai kha,na cakuat mi lakah "call me" na ti mi kha mawi ka ti bik. Tu ah cun na status ka hmuh le ka lo ngainak a thar sal ih,ka hmuh lo caan ah lo ngai lo ih um a har lala si ri. Na thu ka ruah nguingo lai caan ah hin,ka lo ruat nawn lo ding tiin,ka lo ruat nguingo ttheu. Na dam lo ruangih na țah lai ah kha,hni aw la ka duh zet ttheu nan,tu ah na hnih ruang ih ka ttah hnu cun ttap ve aw la ka ti sal ttheu. Duhdawtnak dik teh a si pei maw??

 Umharnak le lunglennak hi zan thlavang thuaiah,hramlak tupi sung le pangpar mawi zetzet an parnak hmun,vate an ai celci nak hmun pawlah maw a um ka rak ti țheu. A rak si lo,na umlonak i hmun i kipah a rak um sawn si in. Pathian hi ka hua in,ka ngam lo nan,a huat mi ka si cuang masi aw tiin ka ruat rumro țheu. Ka co mi cu zohman ih an țul lo mi a si thlang. Nat hrik in a kaihngah zo mi pawl in,nathrik fate hman an do neh nawn lo vek in,kei khal na zuun ih i kaihngah zo ruangah lunglennak fatakte hman ka do neh nawn lo. Mi vansia si ding ih,ka vanțhat lai pawl le țahnak tawng ding in ka rak hnih rero lai pawl kha,a cem theilo mi lamzin ka rak zawh tihman ka rak thei aw lo. Beidongnak ding cu ka rak ruahsan ih,ka țahnak ding cu ka rak hnih pi. I feh santu ding hnenah ka rak feh ih,si lo ding mi,si ter ka rak tum ngurngo si in. #Lte ka lo ngai.

Tuahnak tello duhdswnak i pe ih,duhhril dingmi umlo cu duh ka hril a țul si. Ka țonțai ih sapbeiah,ka nun cu mitthli thawn i hman ter. Lo ngai hman har ka ti laiah, damsung hrang a ngaingai i lo ngai duahdo a țul bet ding si hi. Thlapa cu leitlun hrang rinum zet in a hna a tuan ringring lai. Zohhman....a eng sal khi. Nangcu rinum lo'n ka leitlun hnakai ih dir naa sawntu leitlun dangah i feh san ta maw..... Hnget zet i lo pomtu dingah i sawmtu nangcun,midang na rak pom ta si. Ka hnen i na hnih lai hmel mawi hmu sal nawn lo ding in,keicu i tan ta maw. Hlanah cun na lungawinak ka tuah țheu nan,tu ahcun tuah a rem nawn si lo. Ka umhar tukah hin,ka um khal nuam lo zet in a har ngaingai a si. I hngilh le i fehsan ka si hi hngilh ka tum țențo țheu. A lem men si sehla ka duh zet mi cu,a ngaingai a rak sisi. Keimai ruangah nan tawngaw ih,keimai ruangah cun țhenaw hrimhrim hlah uh. Kan nunthuleng hi thuanthu a bang tuk,a cat awl tuk ee. Tui hnu,a thar ah cun a cat thei nawn lo dingmi hri lawng ka sih thlang ding.