May-June 2018

Editorial ✏

KCP Tlangau cabu a vei 4.nak tiang suah thei dingih lam in hruaitu kan biak Pathian hmin thangthat in um ko seh. Hmailam caan khalah suah peh vivo a si theinak dingah, ca siartu in taimak suahih siar in, ca ngan theitupawl khal in cahram thatha rawn ngan sehla, a sungih ngan mi thu tetepawl tla hi, a tha lo mi le rem tul mi tete a um asiahcun, ruahnak thatha le thazang pe aw ton ciau dingah kan sawmaw a si. K.C.P TLangau cabu hi, kan zate ta a si ti lungput nei in, sunsak upatnak thawn hlir sin ciau uhsi. Kanmah a neitu in kan kilhim ih kan sunlawih lo asiahcun, zo dang hman in, in ra sunlawih sak lo ding.
Awle… tikcu le caan a herliam vivo ih, kawlrawn ih um kan si vekin, kan pumcawmnak bik le kan thumawknak lo hnatuan(leileh) caan kan rak thleng sal ta. Mai’ hnatuan ciau ah dam le lungawi tei’ hnatuan hram thok(dom) thei ciau dingah KCP TLANGAU board in duhsaknak kan lo hlan e.