Tui kum 2018 khal KCP hmin in Lai Kum Thar @fangerpuai cu October,24.2018(Thursday) ni ah hlunglai zetin Khampat Bualrawn ih hmang dingin Committee in a ruatrel zo a si.
Himi Lai Kum Thar puai hmannak ding hrang, Budget ah sumpai Ting riat (Ks.800000) suai asiih, KCP Inn khat Ks.5000 khuan a si. Cutin Inntin tangkhawm ih ngah mi sung ihsin puai cangsuak thei dingin tawlrel a si.
Puai hman dan ding tlangpi ah cun Game Hruaitu-pawl ih hohanak in lehawknak a phunphun tuah a si ding, zaan ah Concert ropi tak a um dingih NONAWN Band pawl in music (awnmawi) a phunphun thawn mipi an awi ding a si. Music Instrument hi 3Amen ta san ding vekih rel asiih, Concert zaan khat um dingin rel mi cu, Dr. Vanro Piang hnen ihsin Ks.200000 Sponsor a rung luh ruangah, Sponsor-tu le Nonawn Band-pawl ih beisei vekin Zanhnih ih hmang dingin KCP committee cun a ruatrel fel sal zo a si.
Puai ni pi bik sun ih caan hman dan ding thu ah cun, Pathian thu sermon lam siloin, Nunphung le KCP Thuanthu tawi simnak a um ding. KCP Group A/B/C minopawl hlarem(Group Song) zuamawknak a um fawn ding (Ramhla a si ding). Cui' thuthawn pehpar aw in Salai Thal Thawng hngilhlonak ah tiin a nulepa in KCP ih Belpi (3) an rak hlu mi cu laksawng vekah hman a si ding. Cuitlunah himi ni ahhin, 2017 KCP SINGER STAR Mai Zung Iang in Ram hla thawn mipi a awi ve ding. Debate (thu elawknak) khal a um dingih minung pali(4)pawl in caan an hmang ding.
Tuikum cu hmunkhat te ah minopawl in lai sang an tuah/suang dingih, an suan mi cu Puai ni pi bik Oct.24 sun ah Lakphak thlum thawn mipi in kan ei tlang hliarhlo ding a si.
Damte'i nun kan zuam dingih kan Lai Kum Thar (fanger puai) cu hlim le lungawi ten hman kan tum cio pei uh!
#Hminsin: Thuhla famkim cu KCP Tlangau Facebook Page ah kan tarlang phahphah sal leh ding.
No comments:
Post a Comment