Khuanui’ lairel samhri sih in
Nupa cang in hrinhniang ka suak
Nuam in ka tawi sentet lai ah
Co tawk teah, lung hmui siamsin
Ei caan ah ei, ih caan kim ziang thei lo’n
Sual mawh thei lo, nuam sualmal in
Ka ngai ruangmang, sentet lai kha
Ziangrel loih, nun khua sa in
Tu cu an ziam, kirsal loin
Ziangaw ti tha, hri bang temtawn
Saduhthah bang kim thei si lo
Lung bang mitthli, van rialruah thawn
Lam bang kirin, ra suak sal law
Ka ngai ruangmang, sentet lai kha
Ruahnak lungthin, thiangfai te kha
An hlo an ral, kum hawng thang in
Duhnak a sang, ruah mi a tam
Ziang thahnem lo, kim thei lo len
Rua bang tuai in, nawlh sal ka duh
Cang thei sehla, nawm lai caan te
Ka ngai ruangmang, sentet lai kha
By; Congthu Fa
No comments:
Post a Comment