THEIHKAUHNAK LE SAWMNAK

Leitlun ih alarzetmi pawlkom a tawinak hmin pawl-
ADB - Asian Development Bank
AIR - All India Radio
BBC - British Broadcasting Cooperation
CIA - Central Intelligence Agency
CID - Criminal Investigation Department
CND - Commission for Narcotic Drug
EEC - European Economic Community
FAO - Food and Agriculture Organization
FBI - Federal Bureau of Investigation
ICRC - International Committee of Red Cross
NAM - Non-Aligned Movement
FIFA - Federation of International Football Association
UEFA - Union of European Football Association

Leitlunih siartu tambik calai pahra(10) pawl-

Daily Mail (British)
The New York Times (America)
The Guardian (British)
People’s Daily (China)
Washinton Post (America)
The Sun (British)
The Wall Street Journal (America)
Asahi Shimbun (Japan)
The Times of India (India)
Daily Telegraph (British)

Leitlun mipum siardaan thuanthu
BC 800 - 5 Millions
AD 500 - 100 Millions
AD 500 & 600 - 200 Millions
AD 1250 - 400 Millions
AD 1805 - 1000 Millions
AD 1927 - 2000 Millions
AD 1959 - 3000 Millions
AD 1974 - 4000 Millions
AD 1987 - 5000 Millions
AD 1999 - 6000 Millions
AD 2011 - 7000 Millions
AD 2025 - 8000 Millions
AD 2050 - 10000 Millions

Caan a lak ih a hman men tu nau le hrang ral rin peknak
Ka nau …. Caa siar aw.
Kan rampi ih hmai lam cu nan kut sung ah a um.
Rem that ding atam tuk.
Belh sal ding khal siar cawk lo aum.
Kan thuanthu vekrorin zin dik a zawh acu thlang.
Hihi nan par ah a thum aw.
Ka nau…… caa hi siar aw.
Nan sung kua nan lung rual thei nak ding ah
Pakhat leh  khat nan theih thiamawk thei nak ding ah
Zawn ruatnak a karh sinsin nak ding ah
Buainak phunkim nan tuah fel theinak ding ah
Dawtum zetmi inn sang nan si theinak ding ah
Caa hi tampi siar.
Ka nau….. caa hi siar aw.
I spent most of my time reading. (Ka caan tam sawn hi caa siarnak ah ka hmang.)
Hih tongkam tuleh tu simtu hi leitlun ih lianbik a simi Bill Gates (Micorsoft Company CEO) so khaw. Tu ih sin thok in na thinlung sung ah ret aw, caa tampi siar ding in timlam thlang aw .
Ka nau …..caa siar aw.
Nan nih thangthar pawl caan a lak ih nan hman rero lai ah leitlun ih thang thar dang pawl caa an siar rero zo.
A rei deuh le …………… nan thlau aw deuh
A rei deuh le …………… nan tang deuh
A rei deuh le …………… nan tuar deuh deuh ding si ko.
Cu ruang ah caa hi tampi siar aw.
Ka nau …. Caaa siar aw.
Bu Chuk Aung San caa a siar
U Tan (ကုလသမဂၢ ေထြေထြ အတြင္းေရးမႈးခ်ဳပ္ေဟာင္း) caa a siar
Leilungpi  hel a duh mi na thinlung kha caa siarnak in thok sawn hnih!
Ka nau …. caa siar aw
Chatting na tuah rero mi kha supaw deuh .
Facebook zoh rero men kha cawl.
Beer dawr ih to men kha ban san.
Phe leh khal cawl.
Ziang hman ih lei theih loh na caan sung lawi hi caa siar nak ah hmag thlang aw.
Ka nau …. caa siar aw
A rei le kan ram hlawh hlang ah a cang ding
Nan nih thang thar pawl nan zuam a tul
Kan ram runsuak ding in ral nan do a tul
Sum dawnnak ral
Fimthaimnak ral
Sa khua nak ral
Politic ral
Hih ral donak pawlhi hriam hrei a tel lo thluak hmang in lung rualnak zuamawk a tul.
Raldonak zaten nehnak nan co theinakding ah
Nan fim a tul.
Nan lung rual a tul.
Fimnak hrang caa siar uh
Lung rualnak hrang caa siar uh
Ka nau caa hi tampin siar aw.

CAPOH

   by, RC Tuallawt Veikhatah Siangpahrang pakhat hi a nupi in a thih san tilah, a nupi dingah fala mawi le tuak zetzet pathum hi an ra hruai. A duhbik mi pakhat a hril ding a si. Siangpahrangpa cun fala pawl cu bangrep ciar in tangka a peih, khual a tlawn hloh san. Kumkhat a kim hnu in siangpahrangpa cu a ra tlungih, fala pawl cu an tangka thei ding in pakhat hnu pakhat a ko. A hmaisabik nu cun Kawrfual mawi zet a rak leiih, a run hruh. A mil aw in a mawi zet. A sangtu cun Rangrang a rak leiih, a parah a run to. Siangpahrangpa cun mawi a ti nasa. A neta bik nu cun zalte a run kengih, a sungah Tangka a khat in a run pe. Cun bawipa tangka i pekmi khan sum ka tuahih, himi hleiah Inn tumpi le mawi zet tla ka lei a ti. Siangpahrangpa cu a lung a awi nasa. Cuticun siangpahrangpa cun thu thaten a vun ruah hnu ah an lakih Pawhte (Hnawi) tumbik cu nupi ah a nei.

KUM 2018 K.C.P LAI KUM THAR (FANGER) THLIRSALNAK

Thuhmaihruai: K.C.P daanbu sungih kumtin LAI KUM THAR (fanger) tuah ding ti a sivekin, tui kum khal hlunghlai zetin tuah(hman) in a um. Tui kum kan puai cu Dt.22-24 Oct. 2018 sung hman asiih, ziangtinkim felfai zet le buaibainak um lo ten \heh suak a si. Puai a hmangtu kan zate (mipi) in nuam kan ti tlang ih, puai a hung cem(\ian) cu lung a leng in, um a har ruahro ciau. K.C.P sungtel kan zaten kan lungrual zia le pumkhat kan sinak langtirtu \ha zet a si.

Lehlaunak (Game)
K.C.P Central Committee in \uanvo a pek vekin Game Committee hoha nak in Dt.22.10.2018 (mon) isin lehlaunak (game) a phunphun an tuah ih, nuam celci ten ni hnih sung caan hman a si. Cutin laksawng khal zan pumkhawmnak ah pek a si.

NONAWN BAND
 Kan K.C.P  sungah Awnmawi lam thiam zetzet(musician) duhum taktak kan neiih, zan hnih sung rori mipi pawl nuam zet le phur zet in show-nak an nei thei. Nonawn Band hi anmai lungtho ten sumpai tampi cem in an din suah mi asiih, a tawlreltu le a hohatu pawl an fakum nasa. Minung in ti hlim theitu bik le in ti nuam tu bik cu awnmawi hi  a si kan ti khal len a sual tam lo ding. Vanglai in ti ngai hle mai.

Hla le Awnmawi (Entertainment)
Hla lam ih talent nei \ha pawl in Awnmawi thawn mipi in awi(entertainment) taktak mai cu, mipi lam lungawi le aipuang tuk supaw thei loin, zabeng na, kuai tum na tiin kan sa celcel a si ko. Hi ti khop ih hla sak thiam hi zat zozai K.C.P in kan nei hi cu kan van \ha tuk lawmmam.

Lam Thiam Rura
K.C.P Lai Kum Thar cu zaihla lawng siloin, Leitlun huap (international) khal ih an uar zet mi, lam mawi taktak zoh(show) ding tla kan nei vivo ih, an thiam dan cu zodang hman kan ngai ve ce lo. An thiamnak karh(pung) vivo hram seh.

Fala Tleirawl le Fashion Show
Fala tleirawl tete pawl khal duai lo tak an si. Hla lam lawng siloin, mipa tlei rawl tete pawl thawn, leitlun pi khal ih thupi zetih an ruah mi Fashion Show tla an nei thei ih, zoh an mawi in, san an man tuk. An hawng fala/tlangval ding hngakhlap um tak an si.

Sawm |ul Lo, Pumpe Awpawl
Mah le nuam tizawng ti fam cu, sawm le kawh \ul riai lo ten, hlasapawl par\hi orh tir, an kiang ih rak hler na bolo, stage hmai lam tual rawn ih, mai tlun tawk te ih rak lam rero khal hmuh ding um thotho, di a riam in, a manhla curco ngei mei. Hi bang pawl hi hnaihnok le buainak tuah riai lo ten, sawm \ul loih mi tlawmngai pumpe aw tak cu an si.

Nipi Ni
Dt. 24.10.2018 (Wed) cu miphun huap ih pumkhawmnak hman asiih, thupi hmangih thusimnak(Debate-nak), 2017 Singer Star hlasaknak le Group hlarem zuamawknak neih a si. Mai phunhnam ngaihsaktu le duhdawttu mi ziang mawzat kan suak thei.

Laisang Ruai
Sun pumkhawmnak kan \heh veten lai dan ten lai sang le lakphak thlum ruai, ei le in khawmnak a um ih, kan tlai in kan lungawi tlang nasa. Hi laisang ruai zawh (ei) ve lo cu suahman nei lo an si. Laisang ruai hman \heh veten vokte le Mandali kaih zuamawknak hman cih asiih, a van\ha pa cun an hlawhtling ngenge cu a si hi.

Phunsang Tlawngta Pawlkom
Tui \um kan Lai Kum Thar Puai hlunghlai tirtu bik cu Phunsang tlawngta pawlkom kan ti khal len kan ti sual tam lo ding. K.C.P lu le ban pawl ih hoha le kaihhruai \ul lo ten, miphun lam mawi zet, mipipawl zoh thei dingih, an lam thei cu lom le porh an tlak tuk. Zoh khawh lo an si zia a langh nak cu sumpai thawn dil(request) nak neih peh sal a si. Tui hnu khalah miphun cawisangtu siin, an pumkhatnak hnget vivo hram seh.

Neih le Siah Heu In
Tui \um Lai Kum Thar cangsuak thei ding hin sumpai tampi cem a \ul ih, K.C.P sungtel innsang tin ih kan bur khawm mi cun a daih thei lo ti cu zapi theih a si. Bulpak tete isin sumpai, thazang le ruahnak a phunphun seng in \anlak ciau asiih, a hleice in Salai Dr.Van Ro Piang le Salai Van Biak Hnin (Pa Biak) tei pahnih in, thlawsuah an don mi, miphun hrangah ui riai lo in, a \ulsamnak pohpoh ih hman dingah an rawn pe ti hmuh tikah, miphun an duhdawt zia le an tirhsian zia hmuh hin thazang a tlung tuk lawmmam. An ni pahnih vek hin midang khal in miphun hrang pumpeaw ciau uh si. Hmailam an tuah \uannak le khawkhannak ah lam tluang sultluang zawh vivo hram hai seh tiah KCP Tlangau Board hmin in duhsaknak kan hlan a si. K.C.P sungih hi vek mi kan nei hi cu thlawsuah ropi lutuk a si e. Miphun tung ding tu si vivo hram hai seh.

Tlangkawmnak
Laimi kan si vekin, Lai Kum Thar (fanger) tla kan hmang (tuah) peh vivo thei hi a sunglawi in, a thupi tuk. Hmailam khal ah tesin pardeng tiang kan hman peh vivo thei asiahcun, mai phunhnam phungthluk le ti dan tete thlauthla lo ten kan cin keng thei ringring ding. Ziang khal asile dam kan zuamaw ding ih, hmai kum Lai Kum Thar khal hlunghlai le nuam tei kan hman thei ciau nak dingha innsang tin in a \ul mi sumpai le thazang kan suah tlang ciau pei.

KCP LE ZATLANG NUN Part-7

By, Vannun Thang Pu
19. Ngaihaw Dialdo

Minung kan zate hin kan nun in hruaitu thinlung hi phunhnih in a feh tlangpi ih, a pakhat cu thuphan per thei lo thinlung le a pakhat sawn cu kanmah rori khal in a dik lo ti kan theih fiang mi kha, midang hnen i dikveki langh tir duh iruangih, mai nun lo pi bumawk rero nun (thinlung) kan nei.
Tah\himnak ah : kan thinlung khalih kan ruah(man) tuk lemlo mi, khawtluang ihsi mikhual an rat tikah, kan tonawk veten, na dam maw? ka lo ngai tuk kan ti aw i, a \ha zet nan, thuphan hlawmtop kan rel(sim) tinak a si. A umzia (sullam) cu mi in fel in ti seh tinak tluk asiih, nun ngai ih fel cuang silo fel vekih lan hnak cun, a si dan vek tei nun hi a \habik ding. Ka sim duh mi bik cu a lenglam ih kan \ong mi le kan lang dan vekin kan sunglam nun kha si thei sehla ti hi a si. Kanni Falam miphun hi kan vansia kan ti ding maw, kan daihzai kan ti ding saw, tlangkhat hnu tlangkhat, khawkhat hnu khawkhat, kan \ong hman mi le kan phunhnam tete hi a bangawlo(dang) deuh vivo hi a si. Laitlang mai suahsemnak khua ciau isin Kawl(khampat) ah kan rawng vai ih, mai suahsem pi unau, mai khawpipawl thawn thei patawp ih, ngaihsakawk le \anpiawk ding cu minung in kan ti ding hrimhrim a si ko. Amah lawng(bel)te cu khawikhua, ziang phunhnam mi ka si ti hi hmunkhat teih pawlkomawknak (K.C.P) sung ahhin kei cu Zahau lalfa ka si, kei cu Sim hrin, kei cu Phautluan hrin, kei cu HlawnCeu hrin kan si ti vekin, a lenglam hmuh theih khalah sunglam thinlung diktak khalah, thleidan awknak lungput  kan nei ding asilo. Tuisun ni tiangah ka thlir rero ih, K.C.P kan din thok in kum 10 kan luan ve thlangih, hrekkhat thinlung cu a fiak(\halo) in, duhum lo taktak tla hi ka hmu. Kan sim zo bangin mai khawpi, laihri tlai le mai phunhnam te thiltinak ah hmuah thaw(nuam) emem, phur tak, duh nung tak sisi, miphun pawlkompi (KCP) ah hmuah lang \ha duh lo, thleidannak lungput nei tlat hi kan um hnuaihni in ka hmu. Hrekkhat vethung asilen mai phunhnam cu phun u veki ruat in midang nautat, milak ih lang (suak) lo khal tampi kan um, mai phunhnam te lawng tiawk hlehle nak lungput kha um hram hlah seh. Thungai te ti ahcun minung hi maw \ihzah upat ciamco ding an um cuang loih, nautat ding khal an um cuang lo. Nui’ thla10 pai mi ciau kan si kha. Mai phunhnam silo mi in riahsiat lungawi a ton tik caan ih, kan ngaihsak lo asiahcun, cui thinlung cu K.C.P lungput a si lo hle tinak a si ding.
A thupibik mi cu ziangvek phunhnam u ka si ah, phunhnam tenau ka si ah, ziang khawmi  kan si tivek kha K.C.P sungah keng lut loin, ngaihaw dialdo, duhdaw aw derhdo, pumkhatnak lungput, theithiamaw hlehle, zawn ruahawknak nun le thleidanawknak um lo tei’ ke kan kar asiahcun, kan \hangso dingih, kan tumtah mi kan hlawhtling vivo thei ding.

20. A Awm Le Mawitawk
Minung kan thinlung le ruahnak in thleng danglam thei zettu pakhat cu, sinfen(hnipuan) kan ken(hruk) dan hi a si, ti hi eltheih lo mi thu dik pakhat cu a si ve. Hnatuannak hnipuan thawi kan um ah hi cun, milak va suah le puai tiveki feh khal hi nuam kan ti dah lo. Cubangin midang ih in hmuhnak khalah hnipuan mawi(awmang tawk) le \ha thawi’ kan um tikah  in hmuh dan a sangih, kan sinak hnaki sangah in ruat(ret) mai hi a rak si. ziangruangah saw khawpi sungih, milian fanu le fapa pawl khi mawi emem le no cemcem ih kan hmuh \heu kan ti ahcun, an hnipuan hruk (ken) mi le an taksa thianfainak ruangah a si kan ti lo thei lo. Mi tampi in khabang lenglam thilih cei(\am) mawiawknak men a thupi lo, sunglam(thinlung) nun silawm pawimawh sawn kan ti \heu ih, a rak diklo nasa. Thungaite kan tiah cun, mi pakhat a taksa a harhdam lo laiah a ruahnak khal a hli par thei lo ih, hnipuan \ha thawn a cei aw paih lo \heu a si. hnipuan \ha le ceiawk hi thupi lo sehla, leitlun huap ih mi langsar(hminthang) pawl le ramhruaitupawl hin hnipuan \ha an ken ka zum lo. Lenglam ih a lang mi hnupuan \ha le ceiawk a thupi lo titu khal in, biakinn ah Pastor in hnipuan se tak (bal emem) thawn thusim sehla, a thusim mi a ngainep bakah, a nautat viau ding ka zum. Hnipuan \ha ken titikah mankhung le design thar ken tinak a si cuanglo. Kan K.C.P sungah hin Pathian \hang\hat khawmnak, lungphun, mopuai, lungawi thusimnak le thu dangdang hmangin caan hleice kan hmang (nei) rero zo ih, tui hnu khal ah a um vivo lai ding. Hi tivek caan (programe) ahhin a si hnipuan ken dan kan uluk a \ul emem nak cu; a hleice takin \uanvo (hmailam ah) neitupawl tla hi cu hnipuan kan ken dan kan ralrin a \ul viau ding. Kan hmuhton zo mi thil ih, mitkham emem mai cu, mopuai le thil dangah laksawng petu rori, inn lak tlannak le hna\uannak hnipuan si awm tak thawi’laksawng (present) kan v ape \heu hi cu, a hmu tui’ hrangah ngainep um le zahthlak tak a si. A cang thei asiahcun, khawm caan le bulpak caan hleice ah hi cun, mi pa in kawr (angki) hngawng (color) nei tengteng hi hru(keng) sehla, a mawi in, a zahum deuh ding. Kan sunglam nun cu ret \hat, lenglam ih a lang thei mi sinfen(hnipuan) kan hruk (ken) dan hi mi hmuh ih a awm le mawi tawk ruat sehla mi upat le \ihzah kan hlawh deuh tengteng ding, a pawimawh tuk.

21. Zawnruahnak Thinlung
Zovek minung kan si hmanah mai’ hrang hlawknak, \hansonak le \anlaknak nei lo cu mi bang lo le mi can lo an si tlangpi ding. Amahlawng te cu thinlung thiangte (midang ti naa riai lo) thawi \hahnem ngaitak ih hna\uan le cangvaihnak cu, zohman in an dem lo lawng siloin, mawhthluk an tong dah lo ih, porh le fak an hlawh riangri \heu. Mi tampi cu mai hlawknak le ham\hatnak a si phawt cun, khua hmu nawn lo le mawi le mawi lo khal ruat nawn lo in, hrawkhrol zetih thil ti mai hi kan hmang \heu. Thungai te ti ah cun minung nun hi cu thinlung hmunkhat tei nun tlang dialdo nak asiih, \ong\himnak hman ah “unau thei pum seu” an rak ti kha. Kan theih ding mi thil pakhat cu minung hi kanmah te lawng nung thei le khua sa thei kan si lo ti hi a si. Milian kan timi pawl khal hi mi nunhar le rethei an um ruangih lian le um thei an si ti hi el theih rual a si lo ding. Kan hmailam ah ziang kan tong ding ti hi zohman in kan thei cia loih, tui sun ni ih zianghman ih ka rel(siar) lo mi khal, ni khat nini ahcun in bawmtu \habik le ka \ul hai (poi) zet miah an cang thei. Cuvekih nung men minung kan si ruangah, midang parih kan nun dan ding le kan tuah ding mi i \ha a hnuai lamah kan zoh hnik pei.

Milian deuh, sumpai nei tam le thil zuar(dawr tuah) pawl hi, khatlam zawngih kan sim asiahcun, mi siahhlawh, midang hnen ih sum hawl rero thotho an si. Cu mi ih pawimawh zet pakhat cu, thil leitu mi mawlmang deuh, zianghman thei lo an si cun, thil man kel siloin, tam deuh ngen tahrat ih lei tir tla hi hmuh ding a um hnuaihni. Cuveki thilti cu a dik lo lawng siloin, midang kan bum tinak a si. Mai minung pi rori bum cu thil dik a si lo hlei ah, zawnruahnak thinlung neih lo thu a si ko. Veikhat cu pitar caklo zet thlang pakhat hin dawrah thil a lei lai ka hmu ih, a thil lei mi kha a zumhnak in a man a rak tam deuh ruangah a paisa ken mi in a daih lo deuhi, in pe uhla a taang lai mi cu inn ka va thlen in ka lo pe ding a tiih, a dil rero nan, bak tir an siang lo thotho hi cu, ka thinlung ten zawnruahnak an va nei lo ve ti lawng siloin, huat-um ka ti. Cuvek thotho in, nunhar deuh midang hnenih sumhlawh \heutu  khal hi, a tamsawn cu kan luat cuang lo. Ni ca ih sum va hlawh tikah thazang khal suah duh lo, ni ka tlak tak ah ti rori in, inntek hrang \hahnem ngaipinak lungput nei riai loih, \uan fangfang khal hmuh ding an um lala fawn. Mi hrekkhat ansilen hna pakhat a putpiat(   ) in lungkim ten kan la ih, hlawk lo kan phan ruangah, \uan mi hnuhma mawi lo zelzel in kan um lala thotho. Cu mi umzia cu paisa ka ngah tak ah a tawk ti lungput thotho asiih, cuvek cu zawnruahnak lungput kan ti thei pei maw? ziangvek hna kan \uan ih, ziangvek thil kan ti asikhalen, mai’ hna, mi hna tiih thleidannak lungput nei loin kanmah le kan tlin tawk ten zawnruahnak thinlung thawn kan nung asiahcun, kan hmakhua a ong dingih, mi fak kan hlawh ding.

LAI KUMTHAR CIBEI

Editorial
Nov-Dec, 2018
LAI KUMTHAR CIBEI

Lai kumthar kumkhat a liamih, kumkhat dang kan thleng sal. KCP tlangau siartu phunpi u le nau nan zapi parah cibei kan lo buk. Hi kumpi kumkhat sungah mi tampi'n mual in liamsanih, kan duh zetzet nih in fehsan hnuah, kannih hi kumthar hmang thei dingih, a damlai mi pawl hi kan fel cuang ruangah, kan phu ruangah le kan damcah tuk ruangih caantha hmang thei kan si loih, Cung Khuanu nih hi leitlunah tuan ding in pek lai ruangih nung dam fang kan si sawn ti thei in, kan ti theitawk tuan zuam cio uh si.

PEK SUAH NUN ( Vol -1)

( Cangthlan : Act 20:35b )

By, Cung Sin Mang (Royal Mangte)

“Ngah lam hnakin pek lamah lungawinak a tam sawn,’ a timi ṭongkam kha ciing ringring uh,” ( Tirh 20:35b ).

Mi zokhal in pek lam hnakin ngah lam cu kan duh cio. Peknak thu lam hnakin ngah lam thu hi ngai nuam kan ti. Leitlun milian maktara Bill Gates, Warren Buffett ti pawl hi an peknak a ra nasa tuk mi pawl khi an rak si.

Emerson in “pakhat khat ngah ding ahcun pakhat khat cu kan pek suak le kan sung ( can ) ngam a \ul a si” tiah a ra ti. John C. Maxwell khal in “peknak hi minung kan nunnak ah a sunglawi bik mi thil le hnaṭuan a si ” tiah a ra ti ve.

Mi tampi kan pek siang lonak a san bik cu kan neih tawk parah kan lungawi thei lo ih kan duhham ruangah a si. Mai co tawk parih a lungawi thei lotu cu pek suak ding ah cun a hrangah thil harsa bik a si. Neih tawk parih lungawi thiamtu cun pek suak ding hi a harsat lo hrimhrim.

John D.Rockefeller cun “sumpai tam tak ka hawl hmu. Sinan ka sumpaipawl in lungawinak in pe thei cuang lo” tiah a ti. Mal te par le co tawk parih a lungawi thei lotu cu tampi a neih khal ah a lungawi thei cuang lo ding.

Thusimtu 5:10b
“Tangka lawnglawng a ruattu cun ziangzat a miat khalle a mal tuk a ti ringring ding.” Hi zawnah tangka lawng siloin duhhamtu cu tiin vun hman ka duh. Duhhamtu hrangah cun ziangkim hi tawk ti a nei dah lo ruangah pek suak ding lam cu a thinlung ah a um lo lawlaw ti cu a fiang.

Richard Fostrr in “kan neih mi sum le pai, thil le ri hi mi bomnak le peknak ah hmang uh si. Cutin lungawinak na sar suak vivo dingih duhhamnak thinlung kha na that in na neh suak ringring thei ding a si”  tiah a ti. Ziang biaknak khal in duhham hi a kham mi a si. Asinan mi duhham lo kan um lo. Duhhamnak neh suak thei dingah cun pek suak hi a thupi tuk mi a si.

Rabindranath Tagore ih ngan mi pakhat cu ...... “pek nak ih a tel lo mi sum le pai, thil le ri pawl hmuahhmuah cu zianghman san tlai lo le sullam nei lo mi an si” tiah a ngan. Minung kan nunnak hi peknak tel lo cun nung cing ih mi thi vek kan si.

Jesuh Khrih ih in duhsak mi khal peknak hi a si. Jesuh leitlun a len lai can khalah peknak in hram a thok ih peknak in a lei taksa nun a cem ter ve a si. Kan nunnak hi vun ruat cio hman uh, Pathian ih in pek mi lawngte an si.

Thlawsuahnak le lungawinak ti pawl hi hmun hla pi ah an um lo. Peknak sungah an phum aw \heh a si. A pe suaktupawl nun ahcun pek ding thlasam loin Bawipa in thlawsuah a pe. Pek ding a nei dah lo tu pawl nun ahcun an neih sun hman kha lak sak an si \heu.

Ka nei mal tuk lai, tam deuh ka neih in ka pe leh ding tiah mi tampi cu kan ti ṭheu. Mal te na neih lai hman ih na pek siang lo ahcun tampi na neih sinsin ahcun na pe siang lo sinsin ding tinak a si. Ka nei mal tuk lai timi cu sian lo \ongkam a si an ti.

Bible sungah peknak thu hi tampi a ngan. Nuhmei ei ding nei lo khal in an pe ih, thlawsuah a let in an ngah thu pawl khal kan hmu thei.

|hanso na duh maw, pek suak aw.
Thlawsuah don na duh maw, pek suak aw.
Lungawi nun neih na duh maw, pek suak aw.

Jesuh Khrih ih in duh sak mi khal peknak nun hi a si.

2018 KCP FOOTBALL CUP SPONSORS-TU TAM

Tuikum 2018 KCP Football Cup cu hminsin tlak zet mi thuanthu thar ngan in, tui' hlanih kan rak theih/ton dah lemlo mi ramsung/ramleng ihsin sponsor tampi a lut. 

Sponsor-tu an hmin le an sponsor mipawl cu a hnuai lam vekin a si:

1) Salai Tha Tin Ceu -Trophy
2) Salai Isaak Lal Biak Zul – Net(Goal ban dunglam zar mi Paih)
3) Salai Dr.Van Rum - Bel khap (10) le Ks.50000
4) Salai Hawl Thang - Ks.30000
5) Salai Mang Bawi (Malaysia) - Ks.50000
6) Salai Vante (Malaysia) -Ks.50000
7) Mai Za Biak Mawi (China) -Ks.100000

Puai thawh tlai ahhin Sponsor a um bet vivo ih, Sponsor-tu le an sponsor zat-pawl cu a hnuailam vekin a si.

1. Pa Thara ks.5000( lekthiambik hrang)
2. Pa Biak Nawl (Lek thiam hleice-pawl) - Ks.22000
3. Pa Pak Hre - Ks.10000
4. Pa Dun - ks.5000
5. Salai Lal Rin Pui (China) - ks.5000

"Pathian zarah kan KCP khal kum hra sung ke a kar ve rero zo ih, tui kum vekih Sponsor-tu kan neih hi a um dah lo. Pathian thlawsuah kan dawng nasa, miphun duhdawt dan kan thiam vivo, a lungawi um tuk rori. Hitivek ten ke kan kar tlang vivo thei asiahcun kan KCP cu tum suk lam siloin thanso lam kan pan deuhdeuh rori ding. Ziangtin kim tawlrel a nuam ih hruaitu siseh, mipi zozo khal kan phur in kan tha a tlung tuk lawmmam", tiin Game Vice-President Salai Țha Tin Ceu cun KCP TLANGAU fehtlang in a sim.